ਮਮਦੋਟ, 21 ਮਈ (ਸੁਖਦੇਵ ਸਿੰਘ ਸੰਗਮ)-ਬਲਾਕ ਖੇਤੀਬਾੜੀ ਦਫ਼ਤਰ ਮਮਦੋਟ (ਮੁਰਕਵਾਲਾ) ਵਿਚ ਪੱਕਾ ਬਲਾਕ ਖੇਤੀਬਾੜੀ ਅਫ਼ਸਰ ਨਾਂ ਹੋਣ ਕਾਰਨ ਸਰਕਾਰ ਦੁਆਰਾ ਚਲਾਈਆਂ ਜਾ ਰਹੀਆਂ ਯੋਜਨਾਵਾਂ ਦਾ ਕਿਸਾਨਾਂ ਨੂੰ ਲਾਭ ਲੈਣ ਵਿਚ ਦੇਰੀ ਹੋ ਰਹੀ ਹੈ | ਕੇਂਦਰ ਸਰਕਾਰ ਦੀ ਕਿਸਾਨ ਸਨਮਾਨ ਨਿਧੀ ਯੋਜਨਾਂ ਦੀਆ ਕਿਸ਼ਤਾਂ ਵੀ ਕਿਸਾਨਾਂ ਨੂੰ ਸਮੇਂ ਸਿਰ ਨਹੀਂ ਮਿਲਦੀਆਂ | ਇਸ ਬਾਬਤ ਕੁੱਝ ਜਾਣਕਾਰ ਕਿਸਾਨਾਂ ਨੇ ਦੱਸਿਆਂ ਕਿ ਉਕਤ ਖੇਤੀਬਾੜੀ ਦਫ਼ਤਰ ਵਿਚ ਲੰਘੇ ਸਮੇਂ ਤੋਂ ਬਲਾਕ ਅਫ਼ਸਰ ਦੀ ਪੋਸਟ ਜਾਂ ਤਾਂ ਖ਼ਾਲੀ ਚਲੀ ਆ ਰਹੀ ਹੈ ਅਤੇ ਜਾ ਫਿਰ ਇਸ ਸੀਟ ਉੱਪਰ ਕਿਸੇ ਹੋਰ ਬਲਾਕ ਅਧਿਕਾਰੀ ਨੂੰ ੂ ਆਰਜ਼ੀ ਚਾਰਜ ਦੇ ਕੇ ਕੰਮ ਚਲਾਇਆ ਜਾਂਦਾ ਰਿਹਾ ਹੈ | ਜਾਣਕਾਰੀ ਮੁਤਾਬਿਕ ਹੁਣ ਵੀ ਮੌਜੂਦਾ ਅਧਿਕਾਰੀ ਵਲੋਂ ਆਰਜ਼ੀ ਚਾਰਜ ਦੁਆਰਾ ਹੀ ਦਫ਼ਤਰ ਦਾ ਕੰਮ-ਕਾਰ ਚਲਾਇਆ ਜਾ ਰਿਹਾ ਹੈ, ਜ਼ਿਕਰਯੋਗ, ਹੈ ਕਿ ਕੇਂਦਰ ਅਤੇ ਪੰਜਾਬ ਸਰਕਾਰ ਦੁਆਰਾ ਦਿੱਤੀਆਂ ਜਾਂਦੀਆਂ ਕਿਸਾਨ ਸਨਮਾਨ ਨਿਧੀ ਯੋਜਨਾਂ ਅਤੇ ਖੇਤੀਬਾੜੀ ਸੰਦਾਂ ਉੱਪਰ ਦਿੱਤੀ ਜਾਣ ਵਾਲੀ ਸਬਸਿਡੀ ਦਾ ਲਾਭ ਬਲਾਕ ਖੇਤੀਬਾੜੀ ਅਫ਼ਸਰ ਦੀ ਡੌਂਗਲ ਰਾਹੀ ਕਿਸਾਨ ਤੱਕ ਪਹੰੁਚਣਾ ਹੁੰਦਾ ਹੈ ਪਰ ਇਹ ਡੌਂਗਲ ਸਿਰਫ਼ ਪੱਕਾ ਅਧਿਕਾਰੀ ਨਿਯੁਕਤ ਹੋਣ 'ਤੇ ਬਣਦੀ ਹੈ | ਜਿਸ ਕਰਕੇ ਕਿਸਾਨਾਂ ਨੂੰ ਵੱਡੀ ਦਿੱਕਤ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ | ਇਲਾਕੇ ਦੇ ਕਿਸਾਨ ਨੇ ਸਰਕਾਰ ਤੋਂ ਮਮਦੋਟ ਵਿਖੇ ਪੱਕੇ ਤੋਰ 'ਤੇ ਬਲਾਕ ਖੇਤੀਬਾੜੀ ਅਧਿਕਾਰੀ ਦੀ ਨਿਯੁਕਤੀ ਕਰਨ ਦੀ ਮੰਗ ਕੀਤੀ ਹੈ |
