ਮੁੱਦਕੀ, 3 ਅਪ੍ਰੈਲ(ਭੁਪਿੰਦਰ ਸਿੰਘ)-ਅੱਜ ਕਸਬਾ ਮੁੱਦਕੀ ਵਿਚ ਪਈ ਬੇ-ਮੌਸਮੀ ਬਾਰਸ਼ ਨੇ ਕਿਸਾਨਾਂ ਦੇ ਸਜਾਏ ਸੁਪਨਿਆਂ 'ਤੇ ਪਾਣੀ ਫੇਰ ਦਿੱਤਾ ਹੈ | ਕਿਸਾਨਾਂ ਦੀ ਕਣਕਦੀ ਫਸਲ ਜਿਸ ਨੂੰ ਕੁੱਝ ਦਿਨਾ ਬਾਅਦ ਵਾਢੀ ਪੈਣੀ ਸੀ, ਮੀਂਹ ਦੀ ਲਪੇਟ ਵਿਚ ਆ ਗਈਆਂ ਹਨ | ਕੁੱਝ ਕਣਕਾਂ ਹਵਾ ਅਤੇ ਬਾਰਸ਼ ਕਾਰਨ ਡਿਗ ਪਈਆਂ ਹਨ | ਕਿਸਾਨ ਵੀਰ ਨਿਰਾਸ਼ ਦੇ ਆਲਮ ਵਿਚ ਹਨ | ਦੂਜੇ ਪਾਸੇ ਕਸਬਾ ਮੁੱਦਕੀ ਵਿਚ ਜਿੱਥੇ ਸੀਵਰੇਜ ਦੀਆਂ ਜ਼ਮੀਨ ਦੋਜ ਪਾਈਪਾਂ ਪਾ ਕੇ ਮਿੱਟੀ ਪਾਈ ਗਈ ਸੀ | ਅੱਜ ਦੀ ਮੋਹਲ਼ੇਧਾਰ ਬਾਰਸ਼ ਕਾਰਨ ਮਿੱਟੀ ਦੱਬ ਕੇ ਫੇਰ ਟੋਏ ਪੈ ਗਏ ਹਨ | ਕਸਬਾ ਮੁੱਦਕੀ ਵਿਚੋਂ ਕੁੱਝ ਦੁਕਾਨਦਾਰ ਦੁਕਾਨਾਂ ਚੋਂ ਪਾਣੀ ਬਾਹਰ ਕੱਢਦੇ ਵੀ ਦੇਖੇ ਗਏ | ਰਾਹਗੀਰਾਂ ਨੂੰ ਕਾਫ਼ੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ | ਮੁੱਦਕੀ ਬੱਸ ਅੱਡਾ ਪਾਣੀ ਨਾਲ ਜਲ ਥਲ ਹੋ ਗਿਆ |
