ਜ਼ੀਰਾ, 5 ਮਾਰਚ (ਪ੍ਰਤਾਪ ਸਿੰਘ ਹੀਰਾ)-ਜ਼ੀਰਾ ਨੇੜਲੇ ਪਿੰਡ ਬਹਿਕ ਗੁੱਜਰਾਂ ਦੇ ਪੀ.ਐਮ ਸ਼੍ਰੀ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਦੇ 52 ਵਿਦਿਆਰਥੀ ਅੰਤਰਰਾਜੀ ਵਿੱਦਿਅਕ ਟੂਰ ਤਹਿਤ ਰਾਜਸਥਾਨ ਦੇ ਇਤਿਹਾਸਿਕ ਸ਼ਹਿਰ ਜੈਪੁਰ ਲਈ ਰਵਾਨਾ ਹੋਏ ਸਕੂਲੀ ਵਿਦਿਆਰਥੀਆਂ ਨੂੰ ਰਵਾਨਾ ਕਰਨ ਮੌਕੇ ਸਕੂਲ ਪਿ੍ੰਸੀਪਲ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਇਹਨਾਂ ਵਿਦਿਆਰਥੀਆਂ ਨੂੰ ਪੰਜਾਬ ਸਰਕਾਰ ਦੇ ਪ੍ਰੋਜੈਕਟ ਇਨੋਵੇਸ਼ਨ ਅਧੀਨ 6ਦਿਨ ਲਈ ਭੇਜਿਆ ਜਾ ਰਿਹਾ ਹੈ | ਇਸ ਯਾਤਰਾ ਦਾ ਉਦੇਸ਼ ਵਿਦਿਆਰਥੀਆਂ ਨੂੰ ਰਾਜਸਥਾਨੀ ਇਤਿਹਾਸਕ, ਸਭਿਆਚਾਰਕ, ਖਾਣੇ ਆਦਿ ਤੋਂ ਜਾਣੂ ਕਰਵਾਉਣਾ ਹੈ | ਇਸ ਤਰ੍ਹਾਂ ਦੀਆਂ ਯਾਤਰਾਵਾਂ ਵਿਦਿਆਰਥੀਆਂ ਦੇ ਸਮੂਹਿਕ ਵਿਕਾਸ ਲਈ ਬਹੁਤ ਲਾਭਦਾਇਕ ਸਾਬਤ ਹੁੰਦੀਆਂ ਹਨ | ਟੂਰ ਦੌਰਾਨ ਵਿਦਿਆਰਥੀ ਬਿਰਲਾ ਮੰਦਿਰ, ਜਵਾਹਰ ਸਰਕਲ ਗਾਰਡਨ, ਤੋਰਨ ਗੇਟ, ਗੁਲਾਬ ਗੜੀ ਢਾਣੀ, ਜਲ ਮਹਿਲ, ਹਵਾ ਮਹਿਲ, ਅੰਬਰ ਦਾ ਕਿਲ੍ਹਾ ਪੱਤਿ੍ਕਾ ਗੇਟ ਆਦਿ ਦਾ ਵਿਜ਼ਟ ਕਰਨਗੇ | ਇਸ ਦੌਰਾਨ ਵਿਦਿਆਰਥੀਆਂ ਨਾਲ ਅਧਿਆਪਕ ਮੈਡਮ ਅਰਚਨਾ, ਮੈਡਮ ਰਾਜ ਰਾਣੀ ਅਤੇ ਸਰ ਰਾਜੇਸ਼ ਪੂਰੀ ਨਾਲ ਰਹਿਣਗੇ | ਵਿਦਿਆਰਥੀਆਂ ਨੂੰ ਇਹ ਟੂਰ ਕਰਾਉਣ ਲਈ ਸਕੂਲ ਪਿ੍ੰਸੀਪਲ ਅਤੇ ਸਮੂਹ ਸਟਾਫ਼ ਨੇ ਪੰਜਾਬ ਸਰਕਾਰ ਦਾ ਧੰਨਵਾਦ ਕੀਤਾ |
