ਲੌਂਗੋਵਾਲ, 14 ਅਕਤੂਬਰ (ਸ.ਸ. ਖੰਨਾ, ਵਿਨੋਦ)-ਸਥਾਨਕ ਬਡਬਰ ਰੋਡ ਇਲਾਕੇ ਦੀ ਨਾਮਵਰ ਸਿਹਤ ਸੰਸਥਾ ਹਰੀਹਰ ਹਸਪਤਾਲ ਵਿਖੇ ਵਿਸ਼ੇਸ਼ ਮੁਫਤ ਮੈਡੀਕਲ ਕੈਂਪ ਲਗਾਇਆ ਜਾ ਰਿਹਾ ਹੈ। ਇਸ ਬਾਰੇ ਜਾਣਕਾਰੀ ਦਿੰਦਿਆ ਡਾ, ਅਦਿਤਿਆ ਵਸਿਸ਼ਟ ਨੇ ਦੱਸਿਆ ਕਿ 18 ਅਕਤੂਬਰ ਦਿਨ ਐਤਵਾਰ ਨੂੰ ਅੱਖਾਂ ਦੇ ਆਪਰੇਸ਼ਨ, ਦਿਲ ਦੇ ਰੋਗਾਂ, ਪੇਟ ਦੇ ਰੋਗਾਂ ਦਾ ਵਿਸ਼ੇਸ਼ ਕੈਂਪ ਲਗਾਇਆ ਜਾ ਰਿਹਾ ਹੈ। ਜਿਸ ਵਿੱਚ ਡਾ. ਹਰਸਿਮਰਨਜੀਤ ਸਿੰਘ, ਡਾ. ਰਾਜਪ੍ਰੀਤ ਬਰਾੜ, ਡਾ ਬ੍ਰਹਮਜੋਤ ਸਿੰਘ ਵਾਲੀਆ ਆਪਣੀ ਟੀਮ ਸਮੇਤ ਪੁੱਜ ਰਹੇ ਹਨ। ਉਨ੍ਹਾਂ ਦੇ ਨਾਲ ਡਾ. ਰਵਿੰਦਰ ਸ਼ਰਮਾ ਜਨਾਨਾ ਰੋਗਾਂ ਦੇ ਮਾਹਿਰ, ਡਾ. ਮਨੀਸ਼ ਕੁਮਾਰ ਸ਼ਾਲੂ ਵੀ ਹਾਜਰ ਰਹਿਣਗੇ। ਇਹ ਕੈਂਪ ਸਵੇਰੇ 10.30 ਵਜੇ ਤੋਂ ਲੈ ਕੇ ਦੁਪਹਿਰ 1.30 ਵਜੇ ਤੱਕ ਲਗਾਇਆ ਜਾਵੇਗਾ।
