ਮੋਗਾ, 14 ਅਪ੍ਰੈਲ (ਸੁਰਿੰਦਰਪਾਲ ਸਿੰਘ)-ਇਕਾਦਸ਼ੀ ਦੇ ਸ਼ੁੱਭ ਮੌਕੇ 'ਤੇ ਕੋਟਕਪੂਰਾ ਬਾਈਪਾਸ ਸਥਿਤ ਲਾਲ ਦੁਆਰਾ ਮੰਦਰ ਵਿਖੇ ਕਨ੍ਹਈਆ ਨੂੰ ੂ ਸਮਰਪਿਤ ਸ਼ਾਮ ਤਹਿਤ ਸੰਕੀਰਤਨ ਕਰਵਾਇਆ ਗਿਆ | ਸਮਾਗਮ ਦੀ ਸ਼ੁਰੂਆਤ ਬਾਬਾ ਲਾਲ ਤੇ ਰਾਧਾ ਕਿ੍ਸ਼ਨ ਦੇ ਦਰਬਾਰ 'ਚ ਜੋਤੀ ਪ੍ਰਚੰਡ ਨਾਲ ਹੋਈ, ਜਿਸ 'ਚ ਮੰਦਰ ਦੇ ਮੁੱਖ ਸੇਵਾਦਾਰ ਅਤੇ ਚੇਅਰਮੈਨ ਰਜਿੰਦਰ ਵਧਵਾ, ਵੀਨਾ ਵਧਵਾ, ਨੀਤੂ ਵਧਵਾ, ਕੁਲਦੀਪ ਵਧਵਾ, ਪਿ੍ਯੰਕਾ ਵਧਵਾ ਤੇ ਰਮੇਸ਼ ਵਧਵਾ ਸ਼ਾਮਿਲ ਹੋਏ | ਇਸ ਮੌਕੇ ਮਹਿਲਾ ਸਤਿਸੰਗ ਸਮੂਹ ਦੀਆਂ ਮੈਂਬਰ ਨੀਤੂ ਵਧਵਾ, ਆਰਤੀ ਉੱਪਲ ਤੇ ਖ਼ੁਸ਼ੀ ਅਰੋੜਾ ਨੇ ਰੰਗ ਬਰਸੇ ਕਨ੍ਹਈਆ ਤੇਰੇ ਦਰਬਾਰ ਰੰਗ ਬਰਸੇ ਆਦਿ ਭਜਨ ਪੇਸ਼ ਕਰਕੇ ਸ਼ਰਧਾਲੂਆਂ ਨੂੰ ਮੰਤਰ ਮੁਗਧ ਕੀਤਾ | ਸੰਕੀਰਤਨ ਦੀ ਸਮਾਪਤੀ ਆਰਤੀ ਨਾਲ ਹੋਈ, ਜਿਸ ਤੋਂ ਬਾਅਦ ਸ਼ਰਧਾਲੂਆਂ 'ਚ ਪ੍ਰਸ਼ਾਦ ਦੀ ਵੰਡ ਕੀਤੀ ਗਈ | ਇਸ ਮੌਕੇ ਮੁੱਖ ਸੇਵਾਦਾਰ ਰਜਿੰਦਰ ਵਧਵਾ, ਅਸ਼ਵਨੀ ਕੁਮਾਰ ਧਰਮਕੋਟ, ਰਾਹੁਲ ਮਿੱਤਲ, ਰਜਿੰਦਰ ਚੌਧਰੀ, ਅਸ਼ੀਸ਼ ਸੂਦ, ਸੁਰਿੰਦਰ ਚੋਪੜਾ, ਕੁਲਦੀਪ ਵਧਵਾ, ਯਸ਼ਿੰਦਰਾ ਰਾਜਾ, ਰਮੇਸ਼ ਵਧਵਾ, ਰਾਜੀਵ ਉੱਪਲ, ਕਪਿਲ ਕਪੂਰ, ਭੁਪਿੰਦਰ ਸਿੰਘ ਬਬਲੂ, ਵਿਜੇ ਕੁਮਾਰ, ਰੌਬਿਨ ਆਦਿ ਹਾਜ਼ਰ ਸੀ |
