ਲੜਕੀ ਨੂੰ ਬੰਧਕ ਬਣਾ ਕੇ ਰੱਖਣ ਦੇ ਦੋਸ਼ 'ਚ ਪਾਦਰੀ ਗਿ੍ਫ਼ਤਾਰ <br/>

ਖੰਨਾ, 29 ਜਨਵਰੀ (ਹਰਜਿੰਦਰ ਸਿੰਘ ਲਾਲ)-ਇਕ ਨੌਜਵਾਨ ਲੜਕੀ ਨੂੰ ਮੀਟਿੰਗ ਦੇ ਬਹਾਨੇ ਬੁਲਾਕੇ 20-21 ਦਿਨ ਕਥਿਤ ਤੌਰ 'ਤੇ ਬੰਦੀ ਬਣਾ ਕੇ ਰੱਖਣ ਦੇ ਦੋਸ਼ 'ਚ ਪਾਦਰੀ ਤੇ ਉਸ ਦੀ ਪਤਨੀ ਨੂੰ ਗਿ੍ਫ਼ਤਾਰ ਕੀਤਾ ਗਿਆ ਹੈ | ਐਸ.ਐਸ.ਪੀ. ਖੰਨਾ ਡਾ. ਦਰਪਣ ਆਹਲੂਵਾਲੀਆ ਨੇ ਉਕਤ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਲੜਕੀ, ਜੋ ਬਾਲਗ ਹੈ, ਨੇ ਪੁਲਿਸ ਨੂੰ ਦੱਸਿਆ ਕਿ ਪਾਦਰੀ ਪਹਿਲਾਂ ਉਸ ਨੂੰ ਮਾਛੀਵਾੜਾ ਸਾਹਿਬ ਲੈ ਕੇ ਗਿਆ ਸੀ, ਜਦੋਂਕਿ ਉਸ ਨੂੰ ਲੁਧਿਆਣਾ ਤੇ ਖੰਨਾ 'ਚ ਵੀ ਬੰਧਕ ਬਣਾ ਕੇ ਰੱਖਿਆ ਗਿਆ | ਇਸ ਤੋਂ ਪਹਿਲ ਮਾਪਿਆਂ ਦਾ ਦੋਸ਼ ਕਿ ਉਹ ਜਦੋਂ ਧੀ ਨੂੰ ਲੈਣ ਗਏ ਤਾਂ ਉਨ੍ਹਾਂ ਤੇ ਇੱਟਾਂ-ਪੱਥਰ ਵਰਸਾਏ ਗਏ ਤੇ ਹਮਲੇ ਦੀ ਕੋਸ਼ਿਸ਼ ਕੀਤੀ ਗਈ | ਦੂਜੇ ਪਾਸੇ, ਮਹੱਲਾ ਨਿਵਾਸੀਆਂ ਦਾ ਕਹਿਣਾ ਹੈ ਕਿ ਇਹ ਜ਼ੁਲਮ 2-3 ਹਫ਼ਤਿਆਂ ਤੋਂ ਚੱਲ ਰਿਹਾ ਸੀ | ਅਸੀਂ ਸੱਚ ਜਾਣ ਕੇ ਇਨ੍ਹਾਂ ਦੀ ਫ਼ਰਿਆਦ ਨਿਹੰਗਾਂ ਸਿੰਘਾਂ ਕੋਲ ਨਾਲ ਲੈ ਕੇ ਗਏ ਸੀ ਤੇ ਨਿਹੰਗਾਂ ਨੇ ਸਾਡੀ ਸੁਣੀ ਤੇ ਧੀ ਨੂੰ ਬਚਾਇਆ | ਹਾਲਾਂਕਿ, ਐਸ. ਐਸ. ਪੀ ਨੇ ਇਸ ਗੱਲ ਤੋਂ ਇਨਕਾਰ ਕੀਤਾ ਕਿ ਲੜਕੀ ਨੂੰ ਨਿਹੰਗਾਂ ਜਾਂ ਕਿਸੇ ਹੋਰ ਵਲੋਂ ਛੁਡਾਇਆ ਗਿਆ ਹੈ |