ਪਟਿਆਲਾ, 28 ਅਕਤੂਬਰ (ਅ.ਸ. ਆਹਲੂਵਾਲੀਆ)- ਕਰਵਾਚੌਥ ਲਈ ਸੁਹਾਗਣਾਂ ਵਲੋਂ ਆਪਣੇ ਪਤੀ ਦੀ ਲੰਮੀ ਉਮਰ ਲਈ ਵਰਤ ਰੱਖਿਆ ਜਾਵੇਗਾ, ਜਿਸ ਦੀ ਤਿਆਰੀ ਲਈ ਬਾਜ਼ਾਰਾਂ ਵਿਚ ਕਾਫ਼ੀ ਰੌਣਕ ਬਣੀ ਰਹੀ। ਇਸ ਮੌਕੇ ਵੱਡੀ ਗਿਣਤੀ ਵਿਚ ਔਰਤਾਂ ਅਤੇ ਮੁਟਿਆਰਾਂ ਵਲੋਂ ਆਪਣੇ ਹੱਥਾਂ ਨੂੰ ਮਹਿੰਦੀ ਨਾਲ ਸਜਾਇਆ ਗਿਆ। ਮਹਿੰਦੀ ਲਗਾਉਣ ਵਾਲੇ ਬਾਜ਼ਾਰਾਂ ਵਿਚ ਜਗ੍ਹਾ ਜਗ੍ਹਾ ’ਤੇ ਬੈਠੇ ਦਿਖੇ। ਜਿਨ੍ਹਾਂ ਕੋਲ ਚਾਈਂ ਚਾਈਂ ਪਹੁੰਚੀਆਂ ਔਰਤਾਂ ਵਲੋਂ ਮਹਿੰਦੀ ਲਵਾਈ ਗਈ। ਕੱਲ੍ਹ ਸਵੇਰੇ ਸੂਰਜ ਚੜ੍ਹਨ ਤੋਂ ਪਹਿਲਾਂ ਖਾਣ ਪੀਣ ਦਾ ਸਮਾਨ ਵੀ ਲੋਕਾਂ ਵਲੋਂ ਖਰੀਦਿਆ ਗਿਆ।
