ਨਗਰ ਕੌਂਸਲ ਪ੍ਰਧਾਨ ਕਾਲੇਕਾ ਨੇ ਕੱਚੇ ਕਰਮਚਾਰੀਆਂ ਨੂੰ ਪੱਕੇ ਕਰਨ ਦਾ ਮਤਾ ਪਾ ਕੇ ਕਾਰਜਕਾਲ ਦੀ ਕੀਤੀ ਸ਼ੁਰੂਆਤ 58 ਸਫਾਈ ਸੇਵਕ ਅਤੇ 14 ਸੀਵਰਮੈਨ ਛੇਤੀ ਹੋਣਗੇ ਪੱਕੇ

ਪਾਤੜਾਂ, 22 ਸਤੰਬਰ (ਜਗਦੀਸ਼ ਸਿੰਘ ਕੰਬੋਜ)- ਨਗਰ ਕੌਸਲ ਪਾਤੜਾਂ ਵਿਚ ਕਾਫ਼ੀ ਸਮੇਂ ਤੋਂ ਠੇਕੇਦਾਰੀ ਸ਼ਿਸ਼ਟਮ ਵਿਚ ਕੰਮ ਕਰਦੇ ਸਫਾਈ ਸੇਵਕਾਂ ਨੂੰ ਪੰਜਾਬ ਸਰਕਾਰ ਵੱਲੋਂ ਪੱਕੇ ਕੀਤੇ ਜਾਣ ਦਾ ਐਲਾਨ ਕੀਤਾ ਗਿਆ ਸੀ। ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਵਲੋਂ ਕੀਤੇ ਗਏ ਇਸ ਵਾਅਦੇ ਨੂੰ ਪੂਰਾ ਕਰਦਿਆਂ ਅਤੇ ਆਪਣੇ ਕਾਰਜ਼ਕਾਲ ਦੇ ਦਫ਼ਤਰੀ ਕੰਮ ਦਾ ਅੰਗਾਜ਼ ਨਗਰ ਕੌਸਲ ਪਾਤੜਾਂ ਦੇ ਪ੍ਰਧਾਨ ਅੰਮ੍ਰਿਤਪਾਲ ਸਿੰਘ ਕਾਲੇਕਾ ਦੀ ਅਗਵਾਈ ’ਚ ਕੌਸਲਰਾਂ ਦੀ ਨਵੀ ਟੀਮ ਵਲੋਂ ਨਗਰ ਕੌਸਲ ਪਾਤੜਾਂ ਵਿਚ ਕੰਮ ਕਰਦੇ ਸਫ਼ਾਈ ਸੇਵਕਾਂ ਅਤੇ ਸੀਵਰਾਂ ਮੈਨਾਂ ਨੂੰ ਪੱਕਿਆ ਕਰਨ ਦਾ ਮਤਾ ਪਾ ਕੇ ਕੀਤਾ ਗਿਆ ਇਸ ਦੀ ਖੁਸ਼ੀ ਵਿਚ ਇਨ੍ਹਾਂ ਕਰਮਚਾਰੀਆਂ ਵਲੋਂ ਪ੍ਰਧਾਨ ਸਮੇਤ ਸਾਰੇ ਕੌਸਲਰਾਂ ਤੇ ਕਰਾਜ਼ਸਾਧਕ ਅਫਸਰ ਦੇ ਹਾਰ ਪਾਏ ਗਏ ਅਤੇ ਲੱਡੂ ਵੰਡ ਕੇ ਇਸ ਖੁਸ਼ੀ ਦਾ ਇਜਹਾਰ ਕੀਤਾ ਗਿਆ।