ਰੇਤ ਨਾਲ ਭਰਿਆ ਟਰੱਕ ਸੜਕ ’ਤੇ ਪਲਟਿਆ

ਜਗਦੇਵ ਕਲਾਂ, 3 ਸਤੰਬਰ (ਸ਼ਰਨਜੀਤ ਸਿੰਘ ਗਿੱਲ)-ਕੁੱਕੜਾਂ ਵਾਲਾ-ਮਹੱਦੀਪੁਰਾ ਰੋਡ ’ਤੇ ਪਿੰਡ ਕੋਟ ਕੇਸਰਾ ਸਿੰਘ (ਜੌਹਲ) ਨੇੜੇ ਮਹੱਦੀਪੁਰ ਤੋਂ ਗੁਰੂ ਕਾ ਬਾਗ ਨੂੰ ਜਾਂਦੀ ਸੜਕ ’ਤੇ ਸੰਤੁਲਨ ਵਿਗੜਨ ਕਾਰਨ ਟਰੱਕ ਸੜਕ ’ਤੇ ਹੀ ਪਲਟ ਗਿਆ, ਜਿਸ ਕਾਰਨ ਟਰੱਕ ਦੇ ਡਰਾਈਵਰ ਨੂੰ ਮਮੂਲੀ ਸੱਟਾਂ ਲੱਗੀਆਂ । ਟਰੱਕ ਮਾਲਕ ਹਰਦੇਵ ਸਿੰਘ ਵਿਛੋਆ ਨੇ ਦੱਸਿਆ ਕਿ ਰੇਤ ਨਾਲ ਭਰਿਆ ਟਰੱਕ ਜਦੋਂ ਪਿੰਡ ਜੌਹਲ ਨੇੜੇ ਪਹੁੰਚਿਆ ਤਾਂ ਸੜਕ ’ਤੇ ਬਣੇ ਟੋਇਆਂ ਕਾਰਨ ਸਾਹਮਣੇ ਤੋਂ ਆ ਰਹੀ ਗੱਡੀ ਨੂੰ ਰਸਤਾ ਦੇਣ ਦੀ ਕੋਸ਼ਿਸ਼ ਦੌਰਾਨ ਟਰੱਕ ਦਾ ਸੰਤੁਲਨ ਵਿਗੜ ਗਿਆ।