ਨੂਰਪੁਰ ਬੇਦੀ ਤੋਂ ਜਲੰਧਰ ਦੀ ‘ਏਕਤਾ ਰੈਲੀ’ ਲਈ ਜਮਹੂਰੀ ਕਿਸਾਨ ਸਭਾ ਦਾ ਵੱਡਾ ਜਥਾ ਹੋਇਆ ਰਵਾਨਾ

ਨੂਰਪੁਰ ਬੇਦੀ, 20 ਸਤੰਬਰ (ਵਿੰਦਰਪਾਲ ਝਾਂਡੀਆਂ)-ਜਮਹੂਰੀ ਕਿਸਾਨ ਸਭਾ ਅਤੇ ਪੰਜਾਬ ਕਿਸਾਨ ਯੂਨੀਅਨ ਦੇ ਰਲੇਵੇਂ ਮੌਕੇ 20 ਤੋਂ 22 ਸਤੰਬਰ ਤੱਕ ਜਲੰਧਰ ਵਿਖੇ ਹੋਣ ਵਾਲੇ ਤਿੰਨ ਰੋਜ਼ਾ ਕਿਸਾਨ ਇਜਲਾਸ ਅਤੇ 20 ਸਤੰਬਰ ਦੀ ਇਤਿਹਾਸਿਕ ਰੈਲੀ ਲਈ ਨੂਰਪੁਰ ਬੇਦੀ ਇਲਾਕੇ ਦੇ ਵੱਖ-ਵੱਖ ਪਿੰਡਾਂ ਤੋਂ ਜਮਹੂਰੀ ਕਿਸਾਨ ਸਭਾ ਦਾ ਜਥਾ ਵੱਡਾ ਰਵਾਨਾ ਹੋਇਆ ਹੈ। ਮਾਸਟਰ ਗੁਰਨੈਬ ਸਿੰਘ ਜੇਤੇਵਾਲ ਨੇ ਕਿਹਾ ਕਿ 20 ਸਤੰਬਰ ਨੂੰ ਹੋਣ ਵਾਲੀ ਰੈਲੀ ਤੋਂ ਬਾਅਦ 20 ਤੋਂ 22 ਸਤੰਬਰ ਤੱਕ ਕੌਮੀ ਪੱਧਰ ਦਾ ਤਿੰਨ ਰੋਜ਼ਾ ਇਜਲਾਸ ਕਰਵਾਇਆ ਜਾਵੇਗਾ, ਜਿਸ ਵਿਚ ਲਗਭਗ 20 ਸੂਬਿਆਂ ਦੇ ਕਿਸਾਨ ਆਗੂ ਅਤੇ ਨੁਮਾਇੰਦੇ ਭਾਗ ਲੈਣਗੇ।