ਰੂਪਨਗਰ, 25 ਅਗਸਤ (ਪ. ਪ.)- ਸ਼ਾਮਪੁਰਾ ਵਿਖੇ ਸਕੂਲ ਪੰਜਾਬ ਬੱਧਿਰ ਵਿਦਿਆਲਾ ਵਿਚ ਇਸ ਸਾਲ ਵੀ ਮਰਹੂਮ ਪਰਮਜੀਤ ਕੌਰ ਦਾ ਜਨਮ ਦਿਨ ਉਨ੍ਹਾਂ ਦੀਆਂ ਭੈਣਾਂ ਅਮਰੀਕਾ ਨਿਵਾਸੀ ਮੈਡਮ ਨੀਤੂ ਤੇ ਸ੍ਰੀਮਤੀ ਕਮਲੇਸ਼ ਕੁਮਾਰੀ ਨੂਰਪੁਰ ਬੇਦੀ ਦੇ ਸਹਿਯੋਗ ਨਾਲ ਮਨਾਇਆ ਗਿਆ। ਇਸ ਮੌਕੇ ਉਨ੍ਹਾਂ ਨੇ ਸਕੂਲ ਦੇ ਬੱਚਿਆਂ ਨਾਲ ਮਿਲ ਕੇ ਕੇਕ ਕੱਟਿਆ। ਇਸ ਮੌਕੇ ’ਤੇ ਉਹਨਾਂ ਦੀ ਭੈਣ ਨੀਤੂ ਨੇ ਸਕੂਲ ਦੀ ਜ਼ਰੂਰਤਮੰਦ ਅਤੇ ਆਰਥਿਕ ਪੱਖੋਂ ਕਮਜ਼ੋਰ ਵਿਦਿਆਰਥਣ ਲਕਸ਼ਮੀ ਅਹੀਰਵਾਰ ਦੀ ਸੈਸ਼ਨ 2026-27 ਦੀ ਪੂਰੀ ਫ਼ੀਸ ਦਿੱਤੀ ਤੇ ਸਕੂਲ ਦੇ ਗਰਾਉਂਡ ਲਈ ਲਾਕ ਟਾਈਲਾਂ ਲਗਵਾਉਣ ਲਈ 51,000/- ਰੁਪਏ ਦੀ ਰਾਸ਼ੀ ਦਾ ਸਹਿਯੋਗ ਦਿੱਤਾ। ਇਸ ਉਪਰਾਲੇ ਲਈ ਸਕੂਲ ਦੀ ਪ੍ਰਿੰਸੀਪਲ ਅਤੇ ਸਟਾਫ਼ ਨੇ ਉਨ੍ਹਾਂ ਦਾ ਧੰਨਵਾਦ ਕੀਤਾ।
