ਸ੍ਰੀ ਅਨੰਦਪੁਰ ਸਾਹਿਬ ਵਿਖੇ ਗੱਲਬਾਤ ਕਰਦੇ ਹੋਏ ਡਾ. ਦਲਜੀਤ ਸਿੰਘ ਚੀਮਾ, ਭਾਈ ਚਾਵਲਾ ਤੇ ਹੋਰ। ‘ਆਪ’ ਸਰਕਾਰ ਨੇ ਪੰਜਾਬ ਨੂੰ ਕਰਜ਼ੇ ’ਚ ਡੋਬਿਆ- ਡਾ. ਚੀਮਾ

ਭਰਤਗੜ੍ਹ, 23 ਅਗਸਤ (ਜਸਬੀਰ ਸਿੰਘ ਬਾਵਾ)- ਪੰਜਾਬ ਦੇ ਸਿੱਖਿਆ, ਸੂਚਨਾ ਅਤੇ ਲੋਕ ਸੰਪਰਕ ਮੰਤਰੀ ਹਰਜੋਤ ਸਿੰਘ ਬੈਂਸ ਅੱਜ ਬਾਅਦ ਦੁਪਹਿਰ ਭਰਤਗੜ੍ਹ ਦੇ ਸਰਕਾਰੀ ਹਸਪਤਾਲ ‘ਚ ਉਲਟੀਆਂ ਤੇ ਦਸਤ ਰੋਗਾਂ ਤੋਂ ਪੀੜਤ ਵਿਅਕਤੀਆਂ ਨੂੰ ਮਿਲਣ ਪੁੱਜੇ, ਉਨ੍ਹਾਂ ਹਰੇਕ ਮਰੀਜ਼ ਤੋਂ ਉਨ੍ਹਾਂ ਦੀ ਸਿਹਤ ਅਤੇ ਹੋ ਰਹੇ ਇਲਾਜ ਬਾਰੇ ਜਾਣਕਾਰੀ ਹਾਸਲ ਕੀਤੀ ਅਤੇ ਇਨ੍ਹਾਂ ਮਰੀਜ਼ਾਂ ਦੀ ਜਲਦੀ ਸਿਹਤਯਾਬ ਹੋਣ ਦੀ ਕਾਮਨਾ ਵੀ ਕੀਤੀ। ਇੱਥੇ ਤਾਇਨਾਤ ਡਾਕਟਰ ਅਕਸ਼ਿਤ ਵਿਸ਼ਟ ਅਤੇ ਡਾਕਟਰ ਸ਼ੁਭਮ ਸੈਣੀ ਨੇ ਇਨ੍ਹਾਂ ਨੂੰ ਦੱਸਿਆ ਕਿ ਦੋ ਦਿਨ ਪਹਿਲਾਂ ਭਾਖੜਾ ਨਹਿਰ ਦੀ ਪਟੜੀ ‘ਤੇ ਲੰਗਰ ‘ਚ ਸਰਦਈ ਪੀਣ ਤੋਂ ਇੱਕ ਦਿਨ ਬਾਅਦ ਕੁਲ 36 ਵਿਅਕਤੀ ਉਲਟੀਆਂ ਅਤੇ ਦਸਤ ਰੋਗਾਂ ਤੋਂ ਪੀੜਤ ਹੋਣ ਕਰਕੇ ਉਕਤ ਹਸਪਤਾਲ ‘ਚ ਇਲਾਜ ਲਈ ਪੁੱਜੇ ਸਨ, ਕਰੀਬ 27 ਵਿਅਕਤੀ ਅਤੇ ਬੱਚੇ ਅਵਾਨਕੋਟ ਦੇ ਵਸਨੀਕ ਸਨ, ਸੈਣੀ ਭਲਾਈ ਬੋਰਡ ਪੰਜਾਬ ਦੇ ਮੈਂਬਰ ਜੁਝਾਰ ਸਿੰਘ ਮੁਲਤਾਨੀ ਸਮੇਤ 8 ਹੋਰਨਾਂ ਨੂੰ ਤੰਦਰੁਸਤ ਹੋਣ ਮਗਰੋਂ ਘਰ ਭੇਜਿਆ ਜਾ ਰਿਹਾ ਹੈ, 9 ਨੂੰ ਲੋੜੀਂਦੀ ਜਾਂਚ ਲਈ ਸਿਵਲ ਹਸਪਤਾਲ ਰੂਪਨਗਰ ਭੇਜਿਆ ਗਿਆ ਹੈ ਅਤੇ ਹੁਣ 14 ਪੀੜਤ ਇਸ ਹਸਪਤਾਲ ‘ਚ ਜੇਰੇ ਇਲਾਜ ਹਨ, ਇਕ-ਦੋ ਦਿਨਾਂ ਬਾਅਦ ਸਾਰੇ ਸਿਹਤਯਾਬ ਹੋ ਕੇ ਆਪੋ-ਆਪਣੇ ਘਰ ਪਰਤਣਗੇ।