ਪੰਚਾਇਤ ਯੂਨੀਅਨ ਵਲੋਂ ਵਿਧਾਇਕ ਬੁੱਧ ਰਾਮ ਦਾ ਲੋਕ ਪੱਖੀ ਕੰਮ ਕਰਨ ਬਦਲੇ ਸਨਮਾਨ

ਬੁਢਲਾਡਾ, 28 ਸਤੰਬਰ (ਸਵਰਨ ਸਿੰਘ ਰਾਹੀ)- ਬਲਾਕ ਪੰਚਾਇਤ ਯੂਨੀਅਨ ਬੁਢਲਾਡਾ ਵਲੋਂ ਇੱਥੇ ਪ੍ਰਭਾਵਸ਼ਾਲੀ ਸਮਾਗਮ ਦੌਰਾਨ ਸਮੁੱਚੇ ਸਰਪੰਚਾਂ ਵਲੋਂ ਹਲਕਾ ਬੁਢਲਾਡਾ ਦੇ ਵਿਧਾਇਕ ਬੁੱਧ ਰਾਮ ਨੂੰ ਪਿਛਲੇ ਸਾਢੇ 4 ਸਾਲਾਂ ਦੌਰਾਨ ਹਲਕੇ ’ਚ ਇਮਾਨਦਾਰ ਨੁਮਾਇੰਦੇ ਵਜੋਂ ਅਤੇ ਕਰਵਾਏ ਗਏ ਵਿਕਾਸ ਕਾਰਜਾਂ ਅਤੇ ਲੋਕ-ਹਿਤ ਦੇ ਕੰਮਾਂ ਬਦਲੇ ਵਿਸ਼ੇਸ਼ ਤੌਰ ’ਤੇ ਸਨਮਾਨਿਤ ਕੀਤਾ ਗਿਆ। ਸਰਪੰਚਾਂ ਨੇ ਹੱਥ ਖੜ੍ਹੇ ਕਰ ਕੇ ਵਿਧਾਇਕ ਬੁੱਧ ਰਾਮ ਦੀ ਇਮਾਨਦਾਰ ਸ਼ਖ਼ਸੀਅਤ ਅਤੇ ਵਿਧਾਨ ਸਭਾ ’ਚ ਹਲਕੇ ਦੇ ਲੋਕਾਂ ਦੇ ਮੁੱਦੇ ਉਠਾਉਣ ਲਈ ਸ਼ਾਬਾਸ਼ ਦਿੱਤੀ।