ਜੀ. ਐਮ. ਸੀ. ਐਚ. ਚੰਡੀਗੜ੍ਹ ਨੂੰ ਪੀ. ਜੀ ਦੀਆਂ 22 ਨਵੀਆਂ ਐਮ. ਡੀ./ਐਮ. ਐਸ. ਸੀਟਾਂ ਮਨਜ਼ੂਰ, ਕੁੱਲ ਗਿਣਤੀ ਵਧ ਕੇ ਹੋਈ 177

ਚੰਡੀਗੜ੍ਹ, 10 ਨਵੰਬਰ (ਮਾਰਕੰਡਾ)-ਨੈਸ਼ਨਲ ਮੈਡੀਕਲ ਕਮਿਸ਼ਨ (ਐਨ. ਐਮ.

ਅ

ਅਜੀਤ ਡੈਸਕ 11-11-2026

ਚੰਡੀਗੜ੍ਹ, 10 ਨਵੰਬਰ (ਮਾਰਕੰਡਾ)-ਨੈਸ਼ਨਲ ਮੈਡੀਕਲ ਕਮਿਸ਼ਨ (ਐਨ. ਐਮ. ਸੀ.) ਦੇ ਮੈਡੀਕਲ ਅਸੈਸਮੈਂਟ ਐਂਡ ਰੇਟਿੰਗ ਬੋਰਡ (ਐਮ. ਏ. ਆਰ. ਬੀ.) ਵਲੋਂ ਅਕਾਦਮਿਕ ਸੈਸ਼ਨ 2026-27 ਲਈ ਪੋਸਟ ਗ੍ਰੈਜੂਏਟ (ਪੀ. ਜੀ.) ਕੋਰਸਾਂ ਦੀ ਜਾਰੀ ਕੀਤੀ ਸੀਟ ਮੈਟ੍ਰਿਕਸ ਵਿਚ ਗਵਰਨਮੈਂਟ ਮੈਡੀਕਲ ਕਾਲਜ ਤੇ ਹਸਪਤਾਲ (ਜੀ. ਐਮ. ਸੀ . ਐਚ.) ਚੰਡੀਗੜ੍ਹ ਨੂੰ 22 ਵਾਧੂ ਐਮ. ਡੀ./ਐਸ. ਐਸ. ਸੀਟਾਂ ਦੀ ਮਨਜ਼ੂਰੀ ਦਿੱਤੀ ਗਈ ਹੈ। ਇਸ ਨਵੀਂ ਮਨਜ਼ੂਰੀ ਨਾਲ ਸੰਸਥਾ ਵਿਚ ਐਮ. ਡੀ./ਐਮ. ਐਸ. ਦੀਆਂ ਕੁੱਲ ਸੀਟਾਂ ਦੀ ਗਿਣਤੀ 155 ਤੋਂ ਵਧ ਕੇ 177 ਹੋ ਜਾਵੇਗੀ। ਨਵੀਆਂ ਮਨਜ਼ੂਰ ਕੀਤੀਆਂ ਗਈਆਂ ਸੀਟਾਂ ਅਕਾਦਮਿਕ ਸੈਸ਼ਨ 2026-27 ਲਈ ਪੋਸਟ ਗ੍ਰੈਜੂਏਟ ਕਾਊਂਸਲਿੰਗ ਦੇ ਦੂਜੇ ਰਾਊਂਡ ਦੌਰਾਨ ਭਰੀਆਂ ਜਾਣਗੀਆਂ। ਇਸ ਸੰਬੰਧੀ ਮਿਲੀ ਜਾਣਕਾਰੀ ਅਨੁਸਾਰ ਪੀ. ਜੀ. ਸੀਟਾਂ ਵਿਚ ਹੋਇਆ ਇਹ ਵਾਧਾ ਸੰਸਥਾ ਦੀ ਮੈਡੀਕਲ ਸਿੱਖਿਆ ਤੇ ਸਿਖਲਾਈ ਸਮਰੱਥਾ ਨੂੰ ਹੋਰ ਮਜ਼ਬੂਤ ਕਰੇਗਾ। ਇਸ ਨਾਲ ਮੈਡੀਕਲ ਖੇਤਰ ਵਿਚ ਉੱਚ ਸਿੱਖਿਆ ਹਾਸਲ ਕਰਨ ਦੇ ਚਾਹਵਾਨ ਵਿਦਿਆਰਥੀਆਂ ਨੂੰ ਵਧੇਰੇ ਮੌਕੇ ਮਿਲਣਗੇ ਅਤੇ ਵੱਖ-ਵੱਖ ਮੈਡੀਕਲ ਵਿਸ਼ਿਆਂ ਵਿਚ ਮਾਹਿਰ ਡਾਕਟਰਾਂ ਦੀ ਗਿਣਤੀ ਵਧਾਉਣ ਵਿਚ ਵੀ ਮਦਦ ਮਿਲੇਗੀ। ਇਸ ਤੋਂ ਇਲਾਵਾ ਪੀ. ਜੀ. ਸੀਟਾਂ ਦੀ ਗਿਣਤੀ ਵਧਣ ਨਾਲ ਕਾਲਜ ਦੇ ਅਕਾਦਮਿਕ ਅਤੇ ਕਲੀਨਿਕਲ ਬੁਨਿਆਦੀ ਢਾਂਚੇ ਨੂੰ ਹੋਰ ਮਜ਼ਬੂਤੀ ਮਿਲਣ ਦੀ ਉਮੀਦ ਹੈ। ਇਸ ਨਾਲ ਮੈਡੀਕਲ ਵਿਦਿਆਰਥੀਆਂ ਦੀ ਸਿਖਲਾਈ, ਖੋਜ ਤੇ ਮਰੀਜ਼ਾਂ ਨੂੰ ਦਿੱਤੀਆਂ ਜਾਣ ਵਾਲੀਆਂ ਵਿਸ਼ੇਸ਼ ਸਿਹਤ ਸੇਵਾਵਾਂ ਦੀ ਗੁਣਵੱਤਾ ਵਿਚ ਸੁਧਾਰ ਲਿਆਉਣ ਵਿਚ ਯੋਗਦਾਨ ਪਵੇਗਾ। ਜੀ. ਐਮ. ਸੀ. ਐਚ. ਚੰਡੀਗੜ੍ਹ ਲਈ ਇਹ ਪ੍ਰਾਪਤੀ ਮੈਡੀਕਲ ਸਿੱਖਿਆ ਦੇ ਖੇਤਰ ਵਿਚ ਸਮਰੱਥਾ ਨਿਰਮਾਣ ਤੇ ਅਕਾਦਮਿਕ ਵਿਕਾਸ ਵੱਲ ਇਕ ਹੋਰ ਮਹੱਤਵਪੂਰਨ ਕਦਮ ਮੰਨੀ ਜਾ ਰਹੀ ਹੈ।

ਪਿਛਲੀ ਖ਼ਬਰ ਸਨਾਤਨ ਧਰਮ ਮੰਦਰ ਦੇ ਬਾਹਰ ਹੁਣ ਨਜ਼ਰ ਆਵੇਗੀ ਸੁੰਦਰਤਾ ਤੇ ਸੁਚੱਜੇ ਪ੍ਰਬੰਧਾਂ ਦੀ ਝਲਕ-ਕੌਂਸਲਰ ਗਾਬੀ ਅਗਲੀ ਖ਼ਬਰ ਦੀਵਾਲੀ ਮੌਕੇ ਪਟਾਕਿਆਂ ਨੇ ਮਚਾਈ ਤਬਾਹੀ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਜੀ. ਐਮ. ਸੀ. ਐਚ. ਚੰਡੀਗੜ੍ਹ ਨੂੰ ਪੀ. ਜੀ ਦੀਆਂ 22 ਨਵੀਆਂ ਐਮ. ਡੀ./ਐਮ. ਐਸ. ਸੀਟਾਂ ਮਨਜ਼ੂਰ, ਕੁੱਲ ਗਿਣਤੀ ਵਧ ਕੇ ਹੋਈ 177

Subscribers Only Story

ਸੰਬੰਧਿਤ ਖ਼ਬਰਾਂ