ਖਰੜ, 1 ਅਪ੍ਰੈਲ (ਗੁਰਮੁੱਖ ਸਿੰਘ ਮਾਨ)-ਪੰਜਾਬ ਇਨਫੋਟੈੱਕ ਦੇ ਸਾਬਕਾ ਚੇਅਰਮੈਨ ਅਤੇ ਕਾਂਗਰਸੀ ਆਗੂ ਯਾਦਵਿੰਦਰਾ ਸਿੰਘ ਬੰਨੀ ਕੰਗ ਵਲੋਂ ਅੱਜ ਖਰੜ ਦੀ ਅਮਾਇਰਾ ਕਾਲੋਨੀ ਵਿਖੇ ਯੂਰੋ ਕਿਡਜ਼ ਪ੍ਰੀ ਸਕੂਲ ਖਰੜ ਦਾ ਉਦਘਾਟਨ ਕੀਤਾ ਗਿਆ | ਇਸ ਮੌਕੇ ਬੰਨੀ ਕੰਗ ਨੇ ਸਕੂਲ ਪ੍ਰਬੰਧਕਾਂ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਇਹੋ ਜਿਹੇ ਸਕੂਲਾਂ ਵਿਚ ਬੱਚਿਆਂ ਨੂੰ ਬਚਪਨ ਤੋਂ ਹੀ ਜੀਵਨ-ਸ਼ੈਲੀ ਸੰਬੰਧੀ ਵਿਸ਼ੇਸ਼ ਜਾਣਕਾਰੀ ਮਿਲਦੀ ਹੈ ਅਤੇ ਬੱਚਿਆਂ ਨੂੰ ਵੱਡਿਆਂ ਦਾ ਸਤਿਕਾਰ ਕਰਨ ਅਤੇ ਪੜ੍ਹਾਈ ਦੇ ਖੇਤਰ ਵਿਚ ਅੱਗੇ ਵਧਣ ਦੀ ਸੂਝ ਮਿਲਦੀ ਹੈ | ਇਸ ਮੌਕੇ ਸਵਾਤੀ ਗੁਪਤਾ, ਸਵਿਤਾ ਗੁਪਤਾ, ਉਦਿਤ ਗੁਪਤਾ ਸਕੂਲ ਪ੍ਰਬੰਧਕ, ਸੁਖਦੇਵ ਸਿੰਘ ਜੰਡਪੁਰ, ਜੱਗਾ ਸਿੰਘ ਜੰਡਪੁਰ ਅਤੇ ਨੈਨਸੀ ਸਮੇਤ ਹੋਰ ਪਤਵੰਤੇ ਵੀ ਹਾਜ਼ਰ ਸਨ |