ਖਰੜ, 1 ਮਾਰਚ (ਗੁਰਮੁਖ ਸਿੰਘ ਮਾਨ)-ਸ੍ਰੀ ਬਾਂਕੇ ਬਿਹਾਰੀ ਮੰਦਰ ਖਰੜ ਦੀ ਕਮੇਟੀ ਵਲੋਂ ਖਰੜ ਸ਼ਹਿਰ ਵਿਖੇ ਪ੍ਰਭਾਤ ਫੇਰੀ ਕੱਢੀ ਗਈ | ਇਸ ਮੌਕੇ ਸਭ ਤੋਂ ਪਹਿਲਾ ਸ੍ਰੀ ਰਾਧਾ ਅਤੇ ਕਿ੍ਸ਼ਨ ਜੀ ਦੀ ਪੂਜਾ ਕੀਤੀ ਗਈ | ਇਸ ਪ੍ਰਭਾਤ ਫੇਰੀ 'ਚ ਸ਼ਹਿਰ ਨਿਵਾਸੀਆਂ ਵਲੋਂ ਵੱਡੀ ਗਿਣਤੀ 'ਚ ਸ਼ਮੂਲੀਅਤ ਕੀਤੀ ਗਈ ਅਤੇ ਢੋਲ ਦੀ ਤਾਲ 'ਤੇ ਰਾਧਾ ਦਾ ਨਾਮ ਜਪਿਆ ਗਿਆ | ਇਸ ਸੰਬੰਧੀ ਗਊਸ਼ਾਲਾ ਦੇ ਮੈਨੇਜਰ ਮਹਿੰਦਰ ਕੁਮਾਰ ਬਜਾਜ ਨੇ ਦੱਸਿਆ ਕਿ ਇਹ ਪ੍ਰਭਾਤ ਫੇਰੀ ਸ੍ਰੀ ਬਾਂਕੇ ਬਿਹਾਰੀ ਮੰਦਰ ਤੋਂ ਸ਼ੁਰੂ ਹੋ ਕੇ ਖਰੜ ਸਹਿਰ ਦੇ ਵੱਖ ਵੱਖ ਮੁਹੱਲਿਆਂ 'ਚੋਂ ਹੁੰਦੇ ਹੋਏ ਮੁਹੱਲਾ ਘੁਮਿਆਰਾਂ ਵਿਖੇ ਪੁੱਜੀ, ਜਿਥੇ ਸਮੂਹ ਸ਼ਰਧਾਲੂਆਂ ਵਲੋਂ ਫੁੱਲਾਂ ਦੀ ਵਰਖਾ ਨਾਲ ਪ੍ਰਭਾਤ ਫੇਰੀ ਦਾ ਸਵਾਗਤ ਕੀਤਾ ਗਿਆ ਅਤੇ ਫੁੱਲਾਂ ਦੀ ਹੋਲੀ ਮਨਾਈ ਗਈ |
