ਪੰਜਾਬ ਕਲਾ ਭਵਨ 'ਚ 'ਡਾ. ਐੱਮ. ਐੱਸ. ਰੰਧਾਵਾ ਉਤਸਵ' ਦੌਰਾਨ ਵੱਖ-ਵੱਖ ਪ੍ਰੋਗਰਾਮ ਕਰਵਾਏ ਜਾਣਗੇ <br/>
ਅਜੀਤ ਡੈਸਕ
28-01-2026
ਉਤਸਵ ਦੇ ਚੌਥੇ ਦਿਨ ਪੰਜਾਬ ਸਾਹਿਤ ਅਕਾਦਮੀ ਵੱਲੋਂ ਪੰਜਾਬ ਗੌਰਵ ਪੁਰਸਕਾਰ ਗੁਰਭਜਨ ਗਿੱਲ ਅਤੇ ਮਾਤ ਭਾਸ਼ਾ ਪੁਰਸਕਾਰ ਪ੍ਰਾਪਤ ਬਚਿੰਤ ਕੌਰ ਬਾਰੇ ਪਰਚੇ ਕ੍ਰਮਵਾਰ ਡਾ. ਗੁਰਇਕਬਾਲ ਸਿੰਘ ਅਤੇ ਜੇ. ਬੀ. ਸੇਖੋਂ ਦੁਆਰਾ ਪੜ੍ਹੇ ਜਾਣਗੇ | ਸੈਮੀਨਾਰ ਅਤੇ ਪੰਜਾਬੀ ਕਵੀਆਂ ਦਾ ਕਵੀ ਦਰਬਾਰ ਹੋਵੇਗਾ | ਉਤਸਵ ਦੇ 5ਵੇਂ ਦਿਨ 'ਪੰਜਾਬ ਸਿਨਮਾ ਅਤੇ ਡਿਜੀਟਲ ਆਰਟ ਅਕਾਦਮੀ ਵੱਲੋਂ 'ਗੁਰਵਿੰਦਰ ਸਿੰਘ ਦਾ ਸਿਨਮਾ: ਖਾਮੋਸ਼ੀ ਦੀ ਜ਼ੁਬਾਨ' ਪਰਚਾ ਡਾ. ਗੁਰਮੁਖ ਸਿੰਘ ਵੱਲੋਂ ਪੜਿ੍ਹਆ ਜਾਵੇਗਾ | ਗੁਰਵਿੰਦਰ ਸਿੰਘ ਆਪਣੀ ਸਿਰਜਣਾ ਦੇ ਅਨੁਭਵ ਵੀ ਸਾਂਝੇ ਕਰਨਗੇ | ਆਖ਼ਰੀ ਦਿਨ ਸਨਮਾਨ ਸਮਾਰੋਹ ਕਰਵਾਇਆ ਜਾਵੇਗਾ, ਜਿਸ ਵਿਚ ਮੁੱਖ ਮਹਿਮਾਨ ਦੇ ਤੌਰ 'ਤੇ ਮੁੱਖ ਮੰਤਰੀ ਭਗਵੰਤ ਮਾਨ ਸ਼ਿਰਕਤ ਕਰਨਗੇ ਅਤੇ ਪ੍ਰਧਾਨਗੀ ਡਾ. ਸਰਦਾਰਾ ਸਿੰਘ ਜੌਹਲ ਕਰਨਗੇ | ਪੰਜਾਬ ਰਤਨ ਪੁਰਸਕਾਰ 2026 ਪ੍ਰੋ. ਕਰਮਜੀਤ ਸਿੰਘ, ਮਾਤਾ ਭਾਸ਼ਾ ਪੁਰਸਕਾਰ 2026 ਬਚਿੰਤ ਕੌਰ,ਪੰਜਾਬ ਗੌਰਵ ਪੁਰਸਕਾਰ ਰੰਗਮੰਚ, ਸ਼੍ਰੀਮਤੀ ਨੀਨਾ ਟਿਵਾਣਾ, ਪੰਜਾਬ ਗੌਰਵ ਲਲਿਤ ਕਲਾ ਪੁਰਸਕਾਰ 2026 ਡਾ. ਦੇਵਇੰਦਰ ਸਿੰਘ, ਪੰਜਾਬ ਗੌਰਵ ਪੁਰਸਕਾਰ 2026 ਪੰਜਾਬੀ ਸਿਨਮਾ ਗੁਰਵਿੰਦਰ ਸਿੰਘ, ਪੰਜਾਬ ਗੌਰਵ ਪੁਰਸਕਾਰ, ਪੰਜਾਬੀ ਸਾਹਿਤ 2026 ਗੁਰਭਜਨ ਗਿੱਲ ਨੂੰ ਪ੍ਰਦਾਨ ਕੀਤਾ ਜਾਵੇਗਾ |
