20-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 21-01-2026

ਵੱਟਸਐਪ ਤੇ ਸੋਸ਼ਲ ਮੀਡੀਆ ਖਾਤਿਆਂ ਨੂੰ ਨਿਸ਼ਾਨਾ ਬਣਾ ਰਹੇ ਨੇ ਸਾਈਬਰ ਠੱਗ, ਸੈਕਟਰ-23 ਦੇ ਸੇਵਾਮੁਕਤ ਡਾਕਟਰ ਨਾਲ ਵਾਪਰੀ ਘਟਨਾ <br/>

ਅਜੀਤ ਡੈਸਕ 21-01-2026
ਚੰਡੀਗੜ੍ਹ, 20 ਜਨਵਰੀ (ਕਪਿਲ ਵਧਵਾ)—ਸਾਇਬਰ ਠੱਗਾਂ ਵਲੋਂ ਵਾਟਸਐਪ ਤੇ ਹੋਰ ਸੋਸ਼ਲ ਮੀਡੀਆ ਹੈਂਡਲਾਂ ਨੂੰ ਨਿਸ਼ਾਨਾ ਬਣਾਉਂਦਿਆਂ ਮਾਲਵੇਅਰ (ਵਾਇਰਸ) ਲਿੰਕ ਭੇਜ ਕੇ ਲੋਕਾਂ ਨਾਲ ਠੱਗੀ ਕਰਨ ਦੇ ਮਾਮਲੇ ਲਗਾਤਾਰ ਵੱਧ ਰਹੇ ਹਨ | ਮੰਗਲਵਾਰ ਨੂੰ ਚੰਡੀਗੜ੍ਹ ਦੇ ਸੈਕਟਰ-23 ਵਿਚ ਰਹਿੰਦੇ ਇਕ ਸੀਨੀਅਰ ਸਿਟੀਜ਼ਨ ਤੇ ਸੇਵਾਮੁਕਤ ਡਾਕਟਰ ਨਾਲ ਅਜਿਹਾ ਹੀ ਮਾਮਲਾ ਸਾਹਮਣੇ ਆਇਆ ਹੈ | ਪ੍ਰਾਪਤ ਜਾਣਕਾਰੀ ਮੁਤਾਬਕ ਪੀੜਤ ਵਿਅਕਤੀ ਦਾ ਵਾਟਸਐਪ ਖਾਤਾ ਸਾਇਬਰ ਠੱਗਾਂ ਵਲੋਂ ਹੈਕ ਕਰ ਲਿਆ ਗਿਆ | ਹੈਕਿੰਗ ਤੋਂ ਬਾਅਦ ਠੱਗਾਂ ਨੇ ਪੀੜਤ ਦੇ ਮੋਬਾਈਲ ਵਿਚ ਸੇਵ ਸੰਪਰਕਾਂ ਨੂੰ ਮੈਸੇਜ ਭੇਜ ਕੇ 46 ਹਜ਼ਾਰ ਦੀ ਮੰਗ ਕੀਤੀ | ਇਸ ਨਾਲ ਉਨ੍ਹਾਂ ਦੇ ਜਾਣ-ਪਛਾਣ ਵਾਲਿਆਂ ਵਿਚ ਘਬਰਾਹਟ ਫੈਲ ਗਈ | ਸਰੋਤਾਂ ਅਨੁਸਾਰ ਪੀੜਤ ਡਾਕਟਰ ਵਲੋਂ ਤੁਰੰਤ ਇਸ ਘਟਨਾ ਦੀ ਸੂਚਨਾ ਸਾਇਬਰ ਪੁਲਿਸ ਨੂੰ ਦਿੱਤੀ ਗਈ | ਸਾਇਬਰ ਪੁਲਿਸ ਨੇ ਜਾਂਚ ਦੌਰਾਨ ਉਨ੍ਹਾਂ ਦਾ ਮੋਬਾਈਲ ਫ਼ੋਨ ਸਕੈਨ ਕੀਤਾ, ਜਿਸ ਵਿਚ ਮਾਲਵੇਅਰ (ਵਾਇਰਸ) ਮਿਲਿਆ | ਫਿਲਹਾਲ ਸਾਈਬਰ ਮਾਹਿਰਾਂ ਵਲੋਂ ਮਾਲਵੇਅਰ ਨੂੰ ਅਸਥਾਈ ਤੌਰ 'ਤੇ ਹਟਾ ਦਿੱਤਾ ਗਿਆ ਹੈ, ਹਾਲਾਂਕਿ ਮਾਲਵੇਅਰ (ਵਾਇਰਸ) ਕਿਵੇਂ ਤੇ ਕਿਸ ਸਰੋਤ ਤੋਂ ਫ਼ੋਨ ਵਿਚ ਦਾਖਲ ਹੋਇਆ, ਇਸ ਬਾਰੇ ਅਜੇ ਤੱਕ ਕੋਈ ਸਪੱਸ਼ਟ ਜਾਣਕਾਰੀ ਨਹੀਂ ਮਿਲ ਸਕੀ | ਚੰਡੀਗੜ੍ਹ ਪੁਲਿਸ ਨੇ ਇਸ ਮਾਮਲੇ ਤੋਂ ਬਾਅਦ ਆਮ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਕਿਸੇ ਵੀ ਅਣਜਾਣ ਜਾਂ ਸ਼ੱਕੀ ਨੰਬਰ ਤੋਂ ਆਏ ਲਿੰਕ ਨਾ ਖੋਲ੍ਹਣ | ਪੁਲਿਸ ਮੁਤਾਬਕ ਮਾਲਵੇਅਰ (ਵਾਇਰਸ) ਲਿੰਕ ਖੋਲ੍ਹਣ ਨਾਲ ਮੋਬਾਈਲ ਦੀ ਸੁਰੱਖਿਆ ਖਤਰੇ ਵਿਚ ਪੈ ਸਕਦੀ ਹੈ ਅਤੇ ਨਿੱਜੀ ਜਾਣਕਾਰੀ ਸਾਇਬਰ ਅਪਰਾਧੀਆਂ ਦੇ ਹੱਥ ਲੱਗ ਸਕਦੀ ਹੈ |
ਪੁਲਿਸ ਨੇ ਲੋਕਾਂ ਨੂੰ ਸਾਵਧਾਨ ਰਹਿਣ, ਮੋਬਾਈਲ ਵਿਚ ਅਣਜਾਣ ਐਪਸ ਇੰਸਟਾਲ ਨਾ ਕਰਨ ਅਤੇ ਕਿਸੇ ਵੀ ਤਰ੍ਹਾਂ ਦੀ ਸਾਇਬਰ ਠੱਗੀ ਦੀ ਸੂਰਤ ਵਿਚ ਤੁਰੰਤ ਸਾਇਬਰ ਹੈਲਪਲਾਈਨ ਜਾਂ ਨਜ਼ਦੀਕੀ ਸਾਇਬਰ ਪੁਲਿਸ ਸਟੇਸ਼ਨ ਨਾਲ ਸੰਪਰਕ ਕਰਨ ਦੀ ਅਪੀਲ ਕੀਤੀ ਹੈ |

ਪਿਛਲੀ ਖ਼ਬਰ ਪੰਜਾਬ ਸਰਕਾਰ ਲਗਾਤਾਰ ਕਰਜ਼ੇ ਚੁੱਕ ਕੇ ਸੂਬੇ ਨੂੰ ਵਿੱਤੀ ਐਮਰਜੈਂਸੀ ਵੱਲ ਧੱਕ ਰਹੀ ਹੈ- ਐੱਨ. ਕੇ. ਸ਼ਰਮਾ <br/> ਅਗਲੀ ਖ਼ਬਰ ਗੁਰਦੁਆਰਾ ਤਾਲਮੇਲ ਕਮੇਟੀ ਦੀ ਮੀਟਿੰਗ ਹੋਈ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।