ਕਬੀਰ ਤੇ ਨੀਲ ਕੈਂਥ ਨੇ ਤੈਰਾਕੀ ਮੁਕਾਬਲਿਆਂ ’ਚ ਜਿੱਤੇ 4 ਤਗਮੇ

ਲੁਧਿਆਣਾ, 28 ਅਗਸਤ (ਭੁਪਿੰਦਰ ਸਿੰਘ ਬੈਂਸ)-ਲੁਧਿਆਣਾ ਸਹੋਦਿਆ ਸਕੂਲਜ਼ ਕੰਪਲੈਕਸ ਵਲੋਂ ਕਰਵਾਏ ਇੰਟਰ ਸਕੂਲ ਤੈਰਾਕੀ ਮੁਕਾਬਲਿਆਂ ਵਿਚ ਗਗਨਦੀਪ ਸਿੰਘ ਸੰਨੀ ਕੈਂਥ, ਜ਼ਿਲ੍ਹਾ ਪ੍ਰਧਾਨ ਭਾਰਤੀ ਜਨਤਾ ਪਾਰਟੀ ਦਿਹਾਤੀ ਦੇ ਪੁੱਤਰਾਂ ਕਬੀਰ ਸਿੰਘ ਕੈਂਥ ਅਤੇ ਨੀਲ ਸਿੰਘ ਕੈਂਥ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ 4 ਤਗਮੇ ਜਿੱਤੇ। ਕਬੀਰ ਸਿੰਘ ਕੈਂਥ ਨੇ ਚਾਰ ਗੁਣਾ 50 ਮੀਟਰ ਫ਼ਰੀ ਸਟਾਈਲ ਰਿਲੇਅ ਵਿਚ ਸਿਲਵਰ ਮੈਡਲ ਹਾਸਲ ਕੀਤਾ, ਜਦਕਿ ਨੀਲ ਸਿੰਘ ਕੈਂਥ ਨੇ 100 ਮੀਟਰ ਬੈਕਸਟ੍ਰੋਕ ਵਿਚ ਗੋਲਡ ਅਤੇ 50 ਮੀਟਰ ਬੈਕਸਟ੍ਰੋਕ ਤੇ 100 ਮੀਟਰ ਫ਼ਰੀ ਸਟਾਈਲ ਵਿਚ ਸਿਲਵਰ ਮੈਡਲ ਜਿੱਤੇ।