ਹੰਬੜਾਂ, 19 ਫਰਵਰੀ (ਮੇਜਰ ਹੰਬੜਾਂ)-ਆਏ ਦਿਨ ਨਾਜਾਇਜ਼ ਅਸਲੇ ਰਾਹੀਂ ਕਤਲ ਵਰਗੀਆਂ ਵਾਪਰ ਰਹੀਆਂ ਘਟਨਾਵਾਂ ਨੂੰ ਲੈ ਕੇ ਸੂਬੇ 'ਚ ਦਿਨੋਂ ਦਿਨ ਵਿਗੜ ਰਹੀ ਅਮਨ ਕਾਨੂੰਨ ਦੀ ਸਥਿਤੀ ਲਈ ਸੂਬਾ ਸਰਕਾਰ ਜ਼ਿੰਮੇਵਾਰ ਹੈ | ਇਹ ਪ੍ਰਗਟਾਵਾ ਪਿੰਡ ਗੌਂਸਪੁਰ ਵਿਖੇ ਸਾਬਕਾ ਸਰਪੰਚ ਸੁਖਦੇਵ ਸਿੰਘ ਦੇ ਘਰ ਸੀਨੀਅਰ ਕਾਂਗਰਸੀ ਆਗੂ ਦਿਲਾਵਰ ਸਿੰਘ ਲਹਿਰਾ ਨੇ ਆਏ ਦਿਨ ਨੌਜਵਾਨਾਂ ਦੇ ਹੋ ਰਹੇ ਕਤਲ ਤੇ ਹੋਰ ਵਾਪਰ ਰਹੀਆਂ ਲੁੱਟਾਂ ਖੋਹਾਂ ਵਰਗੀਆਂ ਘਟਨਾਵਾਂ 'ਤੇ ਗਹਿਰੀ ਚਿੰਤਾ ਪ੍ਰਗਟ ਕਰਦਿਆਂ ਕੀਤਾ | ਉਨ੍ਹਾਂ ਸੂਬੇ ਦੀ 'ਆਪ' ਸਰਕਾਰ 'ਤੇ ਦੋਸ਼ ਲਗਾਏ ਕਿ ਸਰਕਾਰ ਦੀ ਖੁੱਲ੍ਹ ਕਾਰਨ ਅੱਜ ਦੇ ਦਿਨ ਸੂਬੇ 'ਤੇ ਗੈਂਗਸਟਰਾ ਦਾ ਕਬਜ਼ਾ ਹੈ | ਲਹਿਰਾ ਨੇ ਕਿਹਾ ਕਿ ਅੱਜ ਰੇਤ ਮਾਫੀਏ ਵਲੋਂ ਨਾਜਾਇਜ਼ ਰੇਤਾ ਚੁੱਕੇ ਜਾਣ ਦੇ ਨਾਲ ਰੇਤਾ ਬਜਰੀ 'ਤੇ ਕਬਜ਼ਾ ਕੀਤਾ ਹੋਇਆ ਹੈ |
