ਲੁਧਿਆਣਾ, 1 ਜਨਵਰੀ (ਜਸਵਿੰਦਰ ਸਿੰਘ)-ਪੰਜਾਬ, ਪੰਜਾਬੀ ਤੇ ਪੰਜਾਬੀਅਤ ਦੇ ਅਲੰਬਰਦਾਰ 'ਅਜੀਤ' ਪ੍ਰਕਾਸ਼ਨ ਸਮੂਹ ਦੇ ਬਾਨੀ ਸੰਪਾਦਕ ਡਾਕਟਰ ਸਾਧੂ ਸਿੰਘ ਹਮਦਰਦ ਦੇ ਜਨਮਦਿਨ ਦੇ ਉਪਲਕਸ਼ ਵਿਚ ਮਿੰਨੀ ਰੋਜ਼ ਗਾਰਡਨ ਦੇ ਬੈਡਮਿੰਟਨ ਹਾਲ ਵਿਚ ਬੈਡਮਿੰਟਨ ਸਮੈਸ ਕਲੱਬ ਦੁਆਰਾ ਬੈਡਮਿੰਟਨ ਸਿੰਥੈਟਿਕ ਗਰਾਊਾਡਸ ਤੇ ਫਰੈਂਡਲੀ ਟੂਰਨਾਮੈਂਟ ਕਰਵਾਇਆ ਗਿਆ | ਇਸ ਵਿਚ ਸਪੋਰਟਸ ਐਂਡ ਕਰਾਟੇ ਕਲੱਬ ਦੇ ਮੁੱਖ ਕੋਚ/ਡਾਇਰੈਕਟਰ ਅਜੇ ਖਰਬੰਦਾ ਨੇ ਵੀ ਆਪਣੀ ਹਾਜ਼ਰੀ ਲਵਾਈ ਅਤੇ ਖਿਡਾਰੀਆਂ ਨੂੰ ਬੈਡਮਿੰਟਨ ਬਾਰੇ ਜਾਣਕਾਰੀ ਦਿੱਤੀ | ਟੂਰਨਾਮੈਂਟ ਵਿਚ ਪਵਨਦੀਪ ਮਦਾਨ, ਨਿਤਿਨ ਬਾਂਸਲ, ਮੁਕੇਸ਼ ਸੂਦ, ਸੁਨੀਲ ਬਤਰਾ, ਬੰਟੀ, ਵਿਨੋਦ, ਦੀਪਾ, ਲੱਕੀ ਮਲਹੋਤਰਾ, ਅਨਿਲ, ਰਿਸ਼ੀ ਤੋਂ ਇਲਾਵਾ ਕਈ ਬੈਡਮਿੰਟਨ ਖਿਡਾਰੀਆਂ ਨੇ ਹਿੱਸਾ ਲਿਆ |
