ਗੋਇੰਦਵਾਲ ਜੇਲ੍ਹ ’ਚੋਂ ਮੋਬਾਈਲ ਫੋਨ ਅਤੇ ਪਾਬੰਦੀਸ਼ੁਦਾ ਸਾਮਾਨ ਬਰਾਮਦ

ਗੋਇੰਦਵਾਲ, 18 ਅਗਸਤ (ਸਕੱਤਰ ਸਿੰਘ ਅਟਵਾਲ)—ਗੋਇੰਦਵਾਲ ਜੇਲ੍ਹ ਦੀ ਚੈਕਿੰਗ ਦੌਰਾਨ ਮੋਬਾਈਲ ਫੋਨ ਅਤੇ ਪਾਬੰਦੀਸ਼ੁਦਾ ਸਮਾਨ ਬਰਾਮਦ ਹੋਣ ਦੇ ਮਾਮਲੇ ਵਿਚ ਜੇਲ੍ਹ ਪ੍ਰਸ਼ਾਸਨ ਦੀ ਸ਼ਿਕਾਇਤ ’ਤੇ ਥਾਣਾ ਗੋਇੰਦਵਾਲ ਪੁਲਿਸ ਨੇ ਅਣਪਛਾਤੇ ਵਿਅਕਤੀ ਖਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਥਾਣਾ ਗੋਇੰਦਵਾਲ ਦੇ ਸਹਾਇਕ ਸੁਪਰਡੈਂਟ ਲਖਵੀਰ ਸਿੰਘ ਨੇ ਲਿਖਤੀ ਸ਼ਿਕਾਇਤ ਕੀਤੀ ਕਿ ਵੱਖ-ਵੱਖ ਤਾਰੀਕਾਂ ਨੂੰ ਜੇਲ੍ਹ ਦੀ ਕੀਤੀ ਚੈਕਿੰਗ ਦੌਰਾਨ 157 ਪੁੜੀਆਂ ਤੰਬਾਕੂ, 367 ਬੰਡਲ ਬੀੜੀਆਂ, 127 ਪੁੜੀਆਂ ਕੁਲਲਿੱਪ, 21 ਡੱਬੀਆਂ ਸਿਗਰਟ, 2 ਡੱਬੀਆੰ ਤਾਸ਼, 3 ਸੇਫਟੀ, 2 ਹੀਟਰ ਸਪਰਿੰਗ, 8 ਲਾਈਟਰ, 1 ਲੋਹੇ ਦਾ ਕੜਾ, 8 ਟੱਚ ਮੋਬਾਈਲ ਫੋਨ ਸਮੇਤ 1 ਸਿੰਮ, 2 ਕੀਪੈਡ ਮੋਬਾਈਲ ਫੋਨ, 1 ਡਾਟਾ ਕੇਬਲ, 4 ਹੈਡਫੋਨ ਲਵਾਰਿਸ ਹਾਲਤ ਵਿਚ ਬਰਾਮਦ ਕੀਤੇ ਗਏ ਹਨ।