ਬਲਜੀਤ ਸਿੰਘ ਬੱਬਲ ਸਿੱਕਮ ਟੂਰਿਸਮ ਵਿਭਾਗ ਵਲੋਂ ਸਨਮਾਨਿਤ
ਤਰਨ ਤਾਰਨ, 10 ਅਗਸਤ (ਇਕਬਾਲ ਸਿੰਘ ਸੋਢੀ)—ਪੰਜਾਬ ਦੇ ਵੱਖ-ਵੱਖ ਭੂਗੋਲਿਕ ਖੇਤਰਾਂ ਵਿਚ ਘੁੰਮਣ ਅਤੇ ਉਨ੍ਹਾਂ ਨੂੰ ਜਾਣਨ ਦੀ ਕੋਸ਼ਿਸ਼ ਕਰਨ ਵਾਲੇ ਤਰਨ ਤਾਰਨ ਦੇ ਰਹਿਣ ਵਾਲੇ ਅਤੇ ਪੰਜਾਬ ਦੇ ਸੋਲੋ ਟ੍ਰੈਵਲਰ ਤੇ ਟ੍ਰੈਵਲ ਵਲੌਗਰ ਬਲਜੀਤ ਸਿੰਘ ਵਲੋਂ ਆਪਣੀ ਸੱਤਵੀਂ ਸੋਲੋ ਯਾਤਰਾ ਦੌਰਾਨ ਸਿੱਕਮ ਵਿਚ ਪੂਰਾ ਇਕ ਮਹੀਨਾ ਬਿਤਾਇਆ, ਜੋ ਭਾਰਤ ਜਾਂ ਵਿਦੇਸ਼ ਵਿਚ ਉਨ੍ਹਾਂ ਦਾ ਹੁਣ ਤੱਕ ਦਾ ਸਭ ਤੋਂ ਲੰਬਾ ਠਹਿਰਾਅ ਸੀ। ਇਸ ਤੋਂ ਪਹਿਲਾਂ ਉਹ ਨਿਪਾਲ ਦੇ ਕਾਠਮੰਡੂ ਅਤੇ ਪੋਖਰਾ, ਗੋਆ, ਰਾਜਸਥਾਨ, ਹਿਮਾਚਲ ਪ੍ਰਦੇਸ਼, ਉੱਤਰਾਖੰਡ ਅਤੇ ਜੰਮੂ-ਕਸ਼ਮੀਰ ਵਰਗੀਆਂ ਥਾਵਾਂ ਦਾ ਦੌਰਾ ਕਰ ਚੁੱਕੇ ਹਨ ।
ਤਰਨ ਤਾਰਨ, 10 ਅਗਸਤ (ਇਕਬਾਲ ਸਿੰਘ ਸੋਢੀ)—ਪੰਜਾਬ ਦੇ ਵੱਖ-ਵੱਖ ਭੂਗੋਲਿਕ ਖੇਤਰਾਂ ਵਿਚ ਘੁੰਮਣ ਅਤੇ ਉਨ੍ਹਾਂ ਨੂੰ ਜਾਣਨ ਦੀ ਕੋਸ਼ਿਸ਼ ਕਰਨ ਵਾਲੇ ਤਰਨ ਤਾਰਨ ਦੇ ਰਹਿਣ ਵਾਲੇ ਅਤੇ ਪੰਜਾਬ ਦੇ ਸੋਲੋ ਟ੍ਰੈਵਲਰ ਤੇ ਟ੍ਰੈਵਲ ਵਲੌਗਰ ਬਲਜੀਤ ਸਿੰਘ ਵਲੋਂ ਆਪਣੀ ਸੱਤਵੀਂ ਸੋਲੋ ਯਾਤਰਾ ਦੌਰਾਨ ਸਿੱਕਮ ਵਿਚ ਪੂਰਾ ਇਕ ਮਹੀਨਾ ਬਿਤਾਇਆ, ਜੋ ਭਾਰਤ ਜਾਂ ਵਿਦੇਸ਼ ਵਿਚ ਉਨ੍ਹਾਂ ਦਾ ਹੁਣ ਤੱਕ ਦਾ ਸਭ ਤੋਂ ਲੰਬਾ ਠਹਿਰਾਅ ਸੀ। ਇਸ ਤੋਂ ਪਹਿਲਾਂ ਉਹ ਨਿਪਾਲ ਦੇ ਕਾਠਮੰਡੂ ਅਤੇ ਪੋਖਰਾ, ਗੋਆ, ਰਾਜਸਥਾਨ, ਹਿਮਾਚਲ ਪ੍ਰਦੇਸ਼, ਉੱਤਰਾਖੰਡ ਅਤੇ ਜੰਮੂ-ਕਸ਼ਮੀਰ ਵਰਗੀਆਂ ਥਾਵਾਂ ਦਾ ਦੌਰਾ ਕਰ ਚੁੱਕੇ ਹਨ । ਉਨ੍ਹਾਂ ਸਿੱਕਮ ਬਾਰੇ ਗੱਲ ਕਰਦਿਆਂ ਉਨ੍ਹਾਂ ਰਾਜ ਦੀ ਅਨੁਸ਼ਾਸਨ, ਸਫ਼ਾਈ, ਸੁਰੱਖਿਆ ਅਤੇ ਮਹਿਮਾਨਨਵਾਜ਼ੀ ਦੀ ਖਾਸ ਤੌਰ ’ਤੇ ਪ੍ਰਸ਼ੰਸਾ ਕੀਤੀ । ਉਨ੍ਹਾਂ ਕਿਹਾ ਕਿ ਇਥੋਂ ਦੇ ਲੋਕ ਨਿਮਰ, ਇਮਾਨਦਾਰ ਅਤੇ ਸਵਾਗਤ ਕਰਨ ਵਾਲੇ ਹਨ ਅਤੇ ਸਿਹਤ ਪ੍ਰਤੀ ਵੀ ਜਾਗਰੂਕਤਾ ਦਿਖਾਈ ਦਿੰਦੇ ਹਨ। ਉਨ੍ਹਾਂ ਕਿਹਾ ਕਿ ਸਿੱਕਿਮ ਸਰਕਾਰ ਦੇ ਟੂਰਿਜ਼ਮ ਅਤੇ ਸਿਵਲ ਏਵੀਏਸ਼ਨ ਵਿਭਾਗ ਵਲੋਂ ਉਨ੍ਹਾਂ ਦੀ ਯਾਤਰਾ ਅਤੇ ਸੈਰ-ਸਪਾਟੇ ਨੂੰ ਡਿਜੀਟਲ ਸਟੋਰੀਟੈਲਿੰਗ ਰਾਹੀਂ ਉਤਸ਼ਾਹਿਤ ਕਰਨ ਲਈ ਯੋਗਦਾਨ ਦੀ ਪਹਿਚਾਣ ਕਰਦਿਆਂ ਉਨ੍ਹਾਂ ਨੂੰ ਯਾਦਗਾਰੀ ਚਿੰਨ੍ਹ ਨਾਲ ਸਨਮਾਨਿਤ ਵੀ ਕੀਤਾ ਗਿਆ।
