ਅੰਮਿ੍ਤਸਰ, 5 ਅਪ੍ਰੈਲ (ਰਾਜੇਸ਼ ਕੁਮਾਰ ਸ਼ਰਮਾ)-ਰੇਲ ਯਾਤਰੀਆਂ ਦੀ ਸਹੂਲਤ ਲਈ ਤੇ ਗਰਮੀਆਂ ਦੇ ਮੌਸਮ ਦੌਰਾਨ ਵਧਦੀ ਭੀੜ ਦੇ ਮੱਦੇਨਜ਼ਰ ਭਾਰਤੀ ਰੇਲਵੇ ਨੇ ਅੰਮਿ੍ਤਸਰ ਤੇ ਨਿਊ ਜਲਪਾਈਗੁੜੀ ਵਿਚਕਾਰ ਵਿਸ਼ੇਸ਼ ਰੇਲ ਗੱਡੀ ਦੀ ਮਿਆਦ ਵਧਾਉਣ ਦਾ ਫ਼ੈਸਲਾ ਕੀਤਾ ਹੈ | ਇਹ ਰੇਲ ਗੱਡੀ ਪਹਿਲਾਂ ਦੇ ਨਿਰਧਾਰਤ ਰੂਟ, ਸਮੇਂ ਤੇ ਦਿਨਾਂ 'ਤੇ ਚੱਲੇਗੀ | ਜਾਣਕਾਰੀ ਮੁਤਾਬਕ ਰੇਲ ਗੱਡੀ ਨੰਬਰ 04654 ਆਪਣੀ ਮੌਜੂਦਾ ਵਿਵਸਥਾ ਦੇ ਤਹਿਤ ਅੰਮਿ੍ਤਸਰ ਤੋਂ ਨਿਊ ਜਲਪਾਈਗੁੜੀ ਤੱਕ ਚੱਲਦੀ ਰਹੇਗੀ | ਇਸ ਰੇਲਗੱਡੀ ਦੀ ਸੇਵਾ ਮਿਆਦ 8 ਅਪ੍ਰੈਲ, 2026 ਤੋਂ 29 ਅਪ੍ਰੈਲ, 2026 ਤੱਕ ਵਧਾ ਦਿੱਤੀ ਗਈ ਹੈ, ਜਿਸ 'ਚ ਕੁੱਲ ਚਾਰ ਯਾਤਰਾਵਾਂ ਹਨ | ਗੱਡੀ ਨੰਬਰ 04653 ਨਿਊ ਜਲਪਾਈਗੁੜੀ ਤੋਂ ਅੰਮਿ੍ਤਸਰ ਤੱਕ 10 ਅਪ੍ਰੈਲ, 2026 ਤੋਂ 1 ਮਈ, 2026 ਤੱਕ ਚੱਲੇਗੀ, ਜਿਸ 'ਚ ਕੁੱਲ ਚਾਰ ਯਾਤਰਾਵਾਂ ਹੋਣਗੀਆਂ | ਰੇਲਵੇ ਦੇ ਅਨੁਸਾਰ, ਦੋਵਾਂ ਰੇਲਗੱਡੀਆਂ ਦੀ ਕੋਚ ਰਚਨਾ ਅਤੇ ਸਮਾਂ-ਸਾਰਣੀ ਪਹਿਲਾਂ ਵਾਂਗ ਹੀ ਰਹੇਗੀ |
