ਨੌਸ਼ਹਿਰਾ ਪਨੂੰਆਂ, 30 ਮਾਰਚ (ਦੀਪਕ ਮੈਣੀ)-ਨੈਸ਼ਨਲ ਪਬਲਿਕ ਸਕੂਲ ਨੌਸ਼ਹਿਰਾ ਪੰਨੂਆਂ ਦੀ ਗਿਆਰ੍ਹਵੀਂ ਆਰਟਸ ਦੀ ਵਿਦਿਆਰਥਣ ਜਸਮੀਨ ਕੌਰ ਨੂੰ ਪੰਜਾਬ ਧੀ ਦੇ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ | ਸੀ.ਟੀ. ਯੂਨੀਵਰਸਿਟੀ ਲੁਧਿਆਣਾ ਤਹਿਤ ਲੋਕ ਸੱਭਿਆਚਾਰਕ ਸੱਥ ਵਲੋੋਂ ਕਰਵਾਏ ਗਏ ਸਨਮਾਨ ਸਮਾਰੋਹ 'ਚ ਪੰਜਾਬ ਦੀ ਧੀਆਂ ਨੂੰ ਸਪੋਰਟਸ ਦੇ ਖੇਤਰ ਦੇ ਵਿਚ ਨੈਸ਼ਨਲ ਪੱਧਰ 'ਤੇ ਖੇਡਣ ਵਾਲੀਆਂ ਲੜਕੀਆਂ ਨੂੰ ਪੰਜਾਬ ਦੀ ਧੀ ਟਾਈਟਲ ਅਧੀਨ ਸਨਮਾਨਿਤ ਕੀਤਾ ਗਿਆ, ਜਿਸ ਵਿਚ ਨੈਸ਼ਨਲ ਪਬਲਿਕ ਸਕੂਲ ਨੌਸਹਿਰਾ ਪੰਨੂਆਂ ਦੀ ਜਸਮੀਨ ਕੌਰ ਨੂੰ ਵੀ ਇਹ ਸਨਮਾਨ ਮਿਲਿਆ, ਜਸਮੀਨ ਕੌਰ ਨੈਸ਼ਨਲ ਪੱਧਰ ਤੇ ਰਘਬੀ ਦੀ ਬੈਸਟ ਪਲੇਅਰ ਹੈ | ਜਿਸ ਨੂੰ ਪਹਿਲਾਂ ਵੀ ਫੈਪ ਨੈਸ਼ਨਲ ਐਵਾਰਡ ਦੇ ਨਾਲ ਸਨਮਾਨਿਤ ਕੀਤਾ ਗਿਆ ਸੀ | ਨੈਸ਼ਨਲ ਪਬਲਿਕ ਸਕੂਲ ਦੇ ਪਿ੍ੰਸੀਪਲ ਵਨੀਤ ਕੌਰ ਨੇ ਜਸਮੀਨ ਕੌਰ ਅਤੇ ਉਸ ਦੇ ਪਰਿਵਾਰ ਨੂੰ ਵਧਾਈ ਦਿੱਤੀ | ਇਸ ਇਸ ਮੌਕੇ ਸਕੂਲ ਦਾ ਸਮੂਹ ਸਟਾਫ ਵੀ ਹਾਜ਼ਰ ਸੀ | ਸਕੂਲ ਦੀ ਮੈਨੇਜਮੈਂਟ ਨੇ ਵੀ ਜਸਮੀਨ ਕੌਰ ਨੂੰ ਵਧਾਈ ਦਿੱਤੀ |
