ਖਡੂਰ ਸਾਹਿਬ, 22 ਜਨਵਰੀ (ਰਸ਼ਪਾਲ ਸਿੰਘ ਕੁਲਾਰ)- ਜ਼ਿਲ੍ਹਾ ਸਿੱਖਿਆ ਅਫਸਰ ਤਰਨ ਤਾਰਨ ਸਤਨਾਮ ਸਿੰਘ ਬਾਠ ਦੀਆਂ ਹਦਾਇਤਾਂ ਤੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਮੀਆਂਵਿੰਡ ਵਿਖੇ ਦੋ ਰੋਜਾ ਅਧਿਆਪਕ ਸੈਮੀਨਾਰ 'ਮਿਸ਼ਨ ਸਮਰੱਥ 4.0' ਅਧੀਨ ਲਗਾਇਆ ਗਿਆ | ਇਸ ਸੈਮੀਨਾਰ ਵਿਚ ਰਾਜਪਾਲ ਰਾਮ ਪੰਜਾਬੀ ਮਾਸਟਰ, ਹਰਮਨਜੀਤ ਸਿੰਘ ਅੰਗਰੇਜੀ ਮਾਸਟਰ, ਜਸਕਰਨ ਸਿੰਘ ਅਧਿਆਪਕ ਅਤੇ ਮੰਗਲ ਸਿੰਘ ਅਧਿਆਪਕਾਂ ਵਲੋਂ ਸੈਮੀਨਾਰ ਵਿਚ ਮਿਸ਼ਨ ਸਮਰੱਥ ਸੰਬੰਧੀ ਅਧਿਆਪਕਾਂ ਨੂੰ ਜਾਣਕਾਰੀ ਦਿੱਤੀ ਗਈ | ਸੈਮੀਨਾਰ ਵਿਚ ਪਹੁੰਚੇ ਅਧਿਆਪਕਾਂ ਨੇ ਦੱਸਿਆ ਕਿ ਇਸ ਸੈਮੀਨਾਰ ਦੌਰਾਨ ਉਨ੍ਹਾਂ ਨੂੰ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ ਹੈ | ਅਖੀਰ ਵਿਚ ਸਕੂਲ ਪਿੰ੍ਰਸੀਪਲ ਬਰਿੰਦਰਜੀਤ ਸਿੰਘ ਨੇ ਆਏ ਹੋਏ ਸਾਰੇ ਅਧਿਆਪਕਾਂ ਦਾ ਧੰਨਵਾਦ ਕੀਤਾ |
