7 ਕਿਲੋ ਬਹੀ ਤੇ ਰੰਗਦਾਰ ਮਠਿਆਈ ਕੂੜ੍ਹੇਦਾਨ ’ਚ ਸੁਟ ਕੇ ਕੀਤੀ ਨਸ਼ਟ

ਅੰਮ੍ਰਿਤਸਰ, 6 ਅਕਤੂਬਰ (ਰੇਸ਼ਮ ਸਿੰਘ)-ਸਿਹਤ ਵਿਭਾਗ ਵਲੋਂ ਮਿਲਾਵਟ ਖੋਰੀ ਖ਼ਿਲਾਫ਼ ਸ਼ੁਰੂ ਕੀਤੀ ਮੁਹਿੰਮ ਤਹਿਤ ਹਲਵਾਈਆਂ ਤੇ ਮਠਿਆਈਆਂ ਦੀਆਂ ਦੁਕਾਨਾਂ ’ਤੇ ਅੱਜ ਮੁੜ ਦਸਤਕ ਦਿੱਤੀ ਗਈ ਜਿਥੇ ਮਠਿਆਈਆਂ ਦੀ ਗੁਣਵੱਤਾ ਦੀ ਜਾਂਚ ਕੀਤੀ ਗਈ ਉਥੇ 7 ਕਿਲੋਗ੍ਰਾਮ ਬਹੀ ਮਠਿਆਈ ਤੇ ਰੰਗਦਾਰ ਮਠਿਆਈ ਕੂੜੇ ਦਾਨ ’ਚ ਸੁੱਟ ਕੇ ਨਸ਼ਟ ਕਰ ਦਿੱਤੀ ਗਈ। ਇਹ ਜਾਣਕਾਰੀ ਦਿੰਦਿਆਂ ਜ਼ਿਲ੍ਹਾ ਸਿਹਤ ਅਧਿਕਾਰੀ ਡਾ: ਮਨਜੀਤ ਸਿੰਘ ਰਟੌਲ ਨੇ ਦੱਸਿਆ ਕਿ ਫੂਡ ਸੇਫਟੀ ਅਫਸਰ ਸਿਮਰਨਜੀਤ ਸਿੰਘ ਗਿੱਲ ਤੇ ਹੋਰ ਸਿਹਤ ਟੀਮ ਵਲੋਂ ਇਥੇ ਸ਼ਹਿਰੀ ਖੇਤਰ ਰਾਣੀ ਕਾ ਬਾਗ ਤੇ ਛੇਹਰਟਾ ਖੇਤਰ ਦੀਆਂ ਵੱਖ-ਵੱਖ ਮਠਿਆਈਆਂ ਦੀਆਂ ਦੁਕਾਨਾਂ ਦੀ ਚੈਕਿੰਗ ਕੀਤੀ ਗਈ।