ਪ੍ਰੋਜੈਕਟ ‘ਸੰਤੁਲਨ’ ਤਹਿਤ ਤੀਆਂ ਦਾ ਉਤਸਵ ਮਨਾਇਆ
ਅੰਮ੍ਰਿਤਸਰ, 6 ਸਤੰਬਰ (ਰਾਜੇਸ਼ ਕੁਮਾਰ ਸ਼ਰਮਾ)- ਦਿਵਯ ਜਯੋਤੀ ਜਾਗ੍ਰਿਤੀ ਸੰਸਥਾਨ ਦੇ ਪ੍ਰੋਜੈਕਟ ‘ਸੰਤੁਲਨ’ ਤਹਿਤ ਤੀਆਂ ਦਾ ਉਤਸਵ ਉਤਸ਼ਾਹ, ਉਮੰਗ ਤੇ ਸ਼ਰਧਾ ਨਾਲ ਮਨਾਇਆ ਗਿਆ। ਤਿਉਹਾਰ ਦੇ ਇਸ ਵਿਸ਼ੇਸ਼ ਮੌਕੇ ਮਹਿਲਾਵਾਂ ਨੇ ਨ੍ਰਿਤ, ਭਜਨ, ਸੱਭਿਆਚਾਰਕ ਪੇਸ਼ਕਾਰੀਆਂ ਤੇ ਸਤਿਸੰਗ ’ਚ ਉਤਸ਼ਾਹਪੂਰਵਕ ਭਾਗ ਲਿਆ।
ਅੰਮ੍ਰਿਤਸਰ, 6 ਸਤੰਬਰ (ਰਾਜੇਸ਼ ਕੁਮਾਰ ਸ਼ਰਮਾ)- ਦਿਵਯ ਜਯੋਤੀ ਜਾਗ੍ਰਿਤੀ ਸੰਸਥਾਨ ਦੇ ਪ੍ਰੋਜੈਕਟ ‘ਸੰਤੁਲਨ’ ਤਹਿਤ ਤੀਆਂ ਦਾ ਉਤਸਵ ਉਤਸ਼ਾਹ, ਉਮੰਗ ਤੇ ਸ਼ਰਧਾ ਨਾਲ ਮਨਾਇਆ ਗਿਆ। ਤਿਉਹਾਰ ਦੇ ਇਸ ਵਿਸ਼ੇਸ਼ ਮੌਕੇ ਮਹਿਲਾਵਾਂ ਨੇ ਨ੍ਰਿਤ, ਭਜਨ, ਸੱਭਿਆਚਾਰਕ ਪੇਸ਼ਕਾਰੀਆਂ ਤੇ ਸਤਿਸੰਗ ’ਚ ਉਤਸ਼ਾਹਪੂਰਵਕ ਭਾਗ ਲਿਆ। ਸਮਾਗਮ ਦੌਰਾਨ ਸਾਧਵੀ ਮਾਤੰਗੀ ਭਾਰਤੀ ਨੇ ਸੰਬੋਧਨ ਕਰਦਿਆਂ ਭਾਰਤੀ ਇਤਿਹਾਸ ਦੀਆਂ ਮਹਾਨ ਨਾਰੀ ਸ਼ਖ਼ਸੀਅਤਾਂ ਦਾ ਜ਼ਿਕਰ ਕੀਤਾ। ਉਨ੍ਹਾਂ ਕਿਹਾ ਕਿ ਨਾਰੀ ਕੇਵਲ ਪਰਿਵਾਰ ਦੀ ਮਜ਼ਬੂਤ ਨੀਂਹ ਹੀ ਨਹੀਂ, ਸਗੋਂ ਆਪਣੇ ਗਿਆਨ, ਉੱਚੇ ਚਰਿੱਤਰ, ਸੰਸਕਾਰਾਂ ਤੇ ਆਤਮਿਕ ਸ਼ਕਤੀ ਰਾਹੀਂ ਸਮਾਜ ਦੇ ਨਿਰਮਾਣ ’ਚ ਵੀ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀ ਹੈ। ਉਨ੍ਹਾਂ ਮਹਿਲਾਵਾਂ ਨੂੰ ਆਪਣੀ ਅੰਦਰੂਨੀ ਸਮਰੱਥਾ ਅਤੇ ਆਤਮਿਕ ਸ਼ਕਤੀ ਨੂੰ ਪਛਾਣਨ, ਆਪਣੇ ਜੀਵਨ ’ਚ ਸਕਾਰਾਤਮਕ ਦ੍ਰਿਸ਼ਟੀਕੋਣ ਵਿਕਸਿਤ ਕਰਨ ਅਤੇ ਆਤਮਿਕ ਜਾਗਰੂਕਤਾ ਰਾਹੀਂ ਆਪਣੇ ਵਿਅਕਤੀਤਵ ਨੂੰ ਹੋਰ ਮਜ਼ਬੂਤ ਬਣਾਉਣ ਲਈ ਪ੍ਰੇਰਿਤ ਕੀਤਾ। ਤੀਜ ਦੇ ਰਵਾਇਤੀ ਰੰਗਾਂ ਅਤੇ ਉਤਸ਼ਾਹ ਨਾਲ ਭਰਪੂਰ ਇਸ ਸਮਾਗਮ ਨੇ ਭਾਰਤੀ ਸੱਭਿਆਚਾਰਕ ਵਿਰਾਸਤ, ਨਾਰੀ ਸ਼ਕਤੀ ਅਤੇ ਆਤਮਿਕ ਚੇਤਨਾ ਦਾ ਸੁੰਦਰ ਸੰਗਮ ਪੇਸ਼ ਕੀਤਾ। ਭਜਨਾਂ, ਸੱਭਿਆਚਾਰਕ ਪੇਸ਼ਕਾਰੀਆਂ ਅਤੇ ਸਤਿਸੰਗ ਨੇ ਪੂਰੇ ਮਾਹੌਲ ਨੂੰ ਭਗਤੀ, ਖੁਸ਼ੀ ਤੇ ਸਕਾਰਾਤਮਕ ਊਰਜਾ ਨਾਲ ਭਰ ਦਿੱਤਾ।
