ਮੀਂਹ ਕਾਰਨ ਖੁਸ਼ਗੁਆਰ ਹੋਏ ਮੌਸਮ ਨੂੰ ਬਾਅਦ ’ਚ ਹੁੰਮਸ ਨੇ ਵਿਗਾੜਿਆ

ਅ

ਅਜੀਤ ਡੈਸਕ 11-08-2026

ਅੰਮ੍ਰਿਤਸਰ, 10 ਅਗਸਤ (ਹਰਮਿੰਦਰ ਸਿੰਘ) ਅੰਮ੍ਰਿਤਸਰ ਦੇ ਆਸ-ਪਾਸ ਦੇ ਕੁਝ ਇਲਾਕਿਆਂ ’ਚ ਅੱਜ ਸਵੇਰੇ ਹੋਈ ਕੁਝ ਮਿੰਟਾਂ ਦੀ ਬਰਸਾਤ ਨੇ ਇਕ ਮੌਸਮ ਨੂੰ ਖੁਸ਼ਗੁਆਰ ਬਣਾ ਦਿੱਤਾ ਪਰ ਬਾਅਦ ਵਿਚ ਬਦਲਾ ਨੂੰ ਚੀਰ ਕੇ ਨਿਕਲੇ ਸੂਰਜ ਦੀ ਗਰਮੀ ਦੇ ਕਾਰਨ ਹੁੰਮਸ ਹੋਣ ਨਾਲ ਮੌਸਮ ‘ਚ ਇਕ ਦਮ ਬਦਲਾਅ ਆ ਗਿਆ ਜਿਸ ਕਾਰਨ ਜਨਜੀਵਨ ਦੀ ਹਾਲਤ ਮੰਦੀ ਹੋ ਗਈ। ਸਵੇਰੇ ਕਰੀਬ 11.30 ਵਜੇ ਅਚਾਨਕ ਹੀ ਅਸਮਾਨ ’ਤੇ ਸਾਵਨ ਮਹੀਨੇ ਦੇ ਬੱਦਲਾਂ ਦੀਆਂ ਕਾਲੀਆਂ ਘਟਾਵਾਂ ਛਾ ਗਈਆਂ, ਜਿਸ ਉਪਰੰਤ ਕਰੀਬ 12 ਵਜੇ ਅੰਮ੍ਰਿਤਸਰ ਅਤੇ ਇਸ ਦੇ ਆਸ-ਪਾਸ ਦੇ ਕਈ ਇਲਾਕਿਆਂ ‘ਚ ਦਰਮਿਆਨੀ ਤੋਂ ਤੇਜ਼ ਬਾਰਿਸ਼ ਹੋਈ। ਇਸ ਬਾਰਿਸ਼ ਦੇ ਕਾਰਨ ਕਈ ਇਲਾਕਿਆਂ ’ਚ ਜਲਥਲ ਹੋ ਗਈ। ਖਾਸ ਕਰਕੇ ਹਾਲ ਗੇਟ, ਟੇਲਰ ਰੋਡ, ਕਚਹਿਰੀ ਰੋਡ, ਰਾਮ ਬਾਗ ਦੇ ਇਲਾਕਿਆਂ ’ਚ ਮੀਂਹ ਦਾ ਪਾਣੀ ਜਮ੍ਹਾਂ ਹੋ ਗਿਆ। ਮੌਸਮ ਵਿਭਾਗ ਵਲੋਂ ਅੰਮ੍ਰਿਤਸਰ ਤੇ ਇਸ ਦੇ ਆਸ ਪਾਸ ਦੇ ਇਲਾਕਿਆਂ ’ਚ 53 ਮਿਲੀਮੀਟਰ ਤੱਕ ਬਰਸਾਤ ਦਰਜ ਕੀਤੀ ਗਈ ਹੈ। ਮੀਂਹ ਤੋਂ ਕਰੀਬ ਇਕ ਘੰਟੇ ਬਾਅਦ ਬੱਦਲਾਂ ਨੂੰ ਚੀਰਦਾ ਹੋਇਆ ਸੂਰਜ ਨਿਕਲਿਆ ਅਤੇ ਆਪਣੀ ਤਪਸ਼ ਦੇ ਨਾਲ ਉਸ ਨੇ ਹੁੰਮਸ ਕਰ ਦਿੱਤਾ। ਜਿਸ ਕਾਰਨ ਖੁਸ਼ਗੁਆਰ ਮੌਸਮ ਨੂੰ ਹੁੰਮਸ ਨੇ ਵਿਗਾੜ ਕੇ ਰੱਖ ਦਿੱਤਾ।

ਪਿਛਲੀ ਖ਼ਬਰ ਡੀ. ਏ. ਵੀ. ਇੰਟਰਨੈਸ਼ਨਲ ਸਕੂਲ ਵਿਖੇ ਤੀਆਂ ਦਾ ਤਿਉਹਾਰ ਮਨਾਇਆ ਅਗਲੀ ਖ਼ਬਰ ਸਪਰਿੰਗ ਡੇਲ ਸਕੂਲ ਦੇ ਖਿਡਾਰੀਆਂ ਨੇ ਜਿੱਤੇ ਸੋਨ ਤਗਮੇ