ਅੰਮਿ੍ਤਸਰ, 1 ਅਪ੍ਰੈਲ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਸਪਰਿੰਗ ਡੇਲ ਸੀਨੀਅਰ ਸਕੂਲ ਵਿਖੇ ਅੱਜ ਨਵੇਂ ਅਕਾਦਮਿਕ ਸੈਸ਼ਨ ਦੀ ਸ਼ੁਰੂਆਤ ਮੌਕੇ ਧਾਰਮਿਕ ਸਮਾਗਮ ਕਰਵਾਇਆ ਗਿਆ, ਜਿਸ 'ਚ ਸਕੂਲ ਦੀ ਮੈਨੇਜਮੈਂਟ, ਸਟਾਫ ਅਤੇ ਵਿਦਿਆਰਥੀਆਂ ਨੇ ਪਾਠ 'ਚ ਵਧ-ਚੜ੍ਹ ਕੇ ਹਿੱਸਾ ਲਿਆ | ਸਕੂਲ ਵਲੋਂ ਸਮਾਜ-ਸੇਵਾ ਦੀ ਆਪਣੀ ਰਵਾਇਤ ਨੂੰ ਜਾਰੀ ਰੱਖਦਿਆਂ ਹੋਇਆ, ਪਿੰਗਲਵਾੜਾ ਮਾਨਾਂਵਾਲਾ, ਸਿਟੀਜਨ ਫੋਰਸ ਵਿੱਦਿਆ ਮੰਦਰ ਸਕੂਲ ਮਕਬੂਲਪੁਰਾ, ਲੈਪਰਜ਼-ਹੋਮ, ਐਮ-ਰੀਅਲ ਸਕੂਲ ਖੈਰਾਬਾਦ ਅਤੇ ਮਦਰ ਟੈਰੇਸਾ ਹੋਮ ਵਿਖੇ ਲੰਗਰ ਭੇਜਿਆ ਗਿਆ ਜਿਸ ਨੂੰ ਸਕੂਲ-ਸਟਾਫ ਨੇ ਤਿਆਰ ਕੀਤਾ ਅਤੇ ਵਿਦਿਆਰਥੀਆਂ ਨਾਲ ਮਿਲ ਕੇ ਵਰਤਾਇਆ | ਸਪਰਿੰਗ ਡੇਲ ਐਜੂਕੇਸ਼ਨਲ ਸੁਸਾਇਟੀ ਦੇ ਚੇਅਰਮੈਨ ਸਾਹਿਲਜੀਤ ਸਿੰਘ ਸੰਧੂ ਅਤੇ ਡਾਇਰੈਕਟਰ ਡਾ. ਕੀਰਤ ਸੰਧੂ ਚੀਮਾ ਨੇ ਸਪਰਿੰਗ ਡੇਲ ਪਰਿਵਾਰ ਨੂੰ ਨਵੇਂ ਸੈਸ਼ਨ ਦੀ ਸ਼ੁਰੂਆਤ ਦੀਆਂ ਸ਼ੁੱਭ-ਕਾਮਨਾਵਾਂ ਦਿੱਤੀਆਂ ਅਤੇ ਸਵ: ਸੁਰਿੰਦਰ ਸਿੰਘ ਸੰਧੂ ਵਲੋਂ ਸਮਾਜ ਲਈ ਵੇਖੇ ਗਏ ਸੁਪਨਿਆਂ ਨੂੰ ਸਕਾਰ ਕਰਨ ਦੀ ਵਚਨਬੱਧਤਾ ਦਰਸਾਈ | ਪਿ੍ੰ: ਰਾਜੀਵ ਕੁਮਾਰ ਸ਼ਰਮਾ ਨੇ ਸਪਰਿੰਗ ਡੇਲ ਅਤੇ ਸਪਰਿੰਗ ਬਲਾਸਮ ਸਕੂਲਾਂ ਦੀ ਤਰੱਕੀ ਦੀ ਕਾਮਨਾ ਕੀਤੀ |