ਅੰਮਿ੍ਤਸਰ, 1 ਮਾਰਚ (ਰਾਜੇਸ਼ ਕੁਮਾਰ ਸ਼ਰਮਾ)-ਖਤਰੀ ਸਭਾ ਮਹਿਲਾ ਮੰਡਲ ਦੀ ਮੁਖੀ ਅਤੇ ਰਾਸ਼ਟਰਪਤੀ ਪੁਰਸਕਾਰ ਪ੍ਰਾਪਤ ਡਾ. ਸਵਰਾਜ ਗਰੋਵਰ ਨੇ ਸਪਰਿੰਗ ਡੇਲ ਸਕੂਲ ਦੀ ਚੌਥੀ ਜਮਾਤ ਦੀ ਵਿਦਿਆਰਥਣ ਨਿਤਯਮ ਅਰੋੜਾ ਦੁਆਰਾ ਲਿਖੀ ਗਈ ਕਿਤਾਬ 'ਦਿ ਜਰਨੀ ਆਫ਼ ਕਰੀਅਸ ਸਟਾਰ' ਰਿਲੀਜ਼ ਕੀਤੀ | ਕਿਤਾਬ ਰਿਲੀਜ਼ ਸਮਾਰੋਹ ਦੌਰਾਨ, ਡਾ. ਸਵਰਾਜ ਗਰੋਵਰ ਨੇ ਨਿਤਯਮ ਦੀ ਸਫਲਤਾ 'ਤੇ ਖੁਸ਼ੀ ਪ੍ਰਗਟ ਕੀਤੀ ਅਤੇ ਆਪਣੇ ਆਸ਼ੀਰਵਾਦ ਦਿੱਤੇ | ਨਿਤਯਮ ਅਰੋੜਾ ਦੇ ਪਿਤਾ, ਕਰਨ ਅਰੋੜਾ, ਮਾਂ, ਦਿਵਿਆ ਅਰੋੜਾ, ਦਾਦੀ, ਰਮਾ ਅਰੋੜਾ ਅਤੇ ਦਾਦਾ, ਮੋਹਨ ਲਾਲ ਅਰੋੜਾ ਵੀ ਮੌਜੂਦ ਸਨ | ਉਨ੍ਹਾਂ ਨੇ ਡਾ. ਸਵਰਾਜ ਗਰੋਵਰ ਨੂੰ ਫੁੱਲਾਂ ਦਾ ਗੁਲਦਸਤਾ ਭੇਟ ਕੀਤਾ | ਡਾ. ਸਵਰਾਜ ਗਰੋਵਰ ਨੇ ਕਿਹਾ ਕਿ ਨਿਤਯਮ ਛੋਟੀ ਉਮਰ 'ਚ ਹੀ ਇਕ ਲੇਖਕ ਬਣ ਗਿਆ ਹੈ ਅਤੇ ਉਸਦੀ ਉਕਤ ਕਿਤਾਬ ਗ੍ਰਹਿਆਂ ਦੇ ਬ੍ਰਹਿਮੰਡ ਬਾਰੇ ਬਹੁਤ ਸਾਰੀ ਜਾਣਕਾਰੀ ਪ੍ਰਦਾਨ ਕਰਦੀ ਹੈ | ਇਸ ਉਮਰ ਦੇ ਬੱਚੇ ਅਕਸਰ ਮੋਬਾਈਲ ਫੋਨਾਂ ਜਾਂ ਗੇਮਾਂ ਖੇਡਣ ਤੋਂ ਜ਼ਿਆਦਾ ਪ੍ਰਭਾਵਿਤ ਹੁੰਦੇ ਹਨ, ਪਰ ਨਿਤਯਮ ਆਪਣੀ ਉਮਰ ਦੇ ਦੂਜੇ ਬੱਚਿਆਂ ਲਈ ਇਕ ਕਿਤਾਬ ਲਿਖ ਕੇ ਪ੍ਰੇਰਨਾ ਸਰੋਤ ਬਣ ਗਿਆ ਹੈ | ਸਕੂਲ ਦੇ ਪਿ੍ੰ: ਰਾਜੀਵ ਕੁਮਾਰ ਸ਼ਰਮਾ ਨੇ ਨਿਤਯਮ ਨੂੰ ਅਸ਼ੀਰਵਾਦ ਦਿੱਤਾ ਅਤੇ ਉਸਦੇ ਭਵਿੱਖ ਦੇ ਯਤਨਾਂ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ | ਸਮਾਰੋਹ ਦੇ ਅਖ਼ੀਰ 'ਚ ਡਾ. ਸਵਰਾਜ ਗਰੋਵਰ ਨੇ ਨਿਤਯਮ ਅਤੇ ਉਸਦੇ ਪਰਿਵਾਰ ਨੂੰ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ |
