22-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 18-02-2026

ਟਿਕਾਊ ਟੂਰਿਜ਼ਮ ਤੇ ਨੈਤਿਕ ਨਵੀਨਤਾ ਬਾਰੇ ਤਿੰਨ ਦਿਨਾ ਅੰਤਰਰਾਸ਼ਟਰੀ ਕਾਨਫਰੰਸ 'ਚੈਟ 2.0' ਦਾ ਉਦਘਾਟਨ

ਟਿਕਾਊ ਟੂਰਿਜ਼ਮ ਤੇ ਨੈਤਿਕ ਨਵੀਨਤਾ ਬਾਰੇ ਤਿੰਨ ਦਿਨਾ ਅੰਤਰਰਾਸ਼ਟਰੀ ਕਾਨਫਰੰਸ 'ਚੈਟ 2.0' ਦਾ ਉਦਘਾਟਨ ਦੌਰਾਨ ਵੱਖ-ਵੱਖ ਸ਼ਖਸੀਅਤਾਂ | ਤਸਵੀਰ : ਹਰਜੀਤ ਸਿੰਘ <br/> 18-02-2026
ਅੰਮਿ੍ਤਸਰ, 17 ਫ਼ਰਵਰੀ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਗੁਰੂ ਨਾਨਕ ਦੇਵ ਯੁਨੀਵਰਸਿਟੀ ਦੇ ਹੋਟਲ ਮੈਨੇਜਮੈਂਟ ਅਤੇ ਟੂਰਿਜ਼ਮ ਵਿਭਾਗ ਵਲੋਂ ਟਿਕਾਊ ਟੂਰਿਜ਼ਮ ਤੇ ਨੈਤਿਕ ਨਵੀਨਤਾ ਬਾਰੇ ਤਿੰਨ ਦਿਨਾਂ ਅੰਤਰਰਾਸ਼ਟਰੀ ਕਾਨਫਰੰਸ 'ਚੈਟ 2.0' ਦਾ ਉਦਘਾਟਨ ਕੀਤਾ ਗਿਆ | ਸਮਾਗਮ ਦੀ ਸ਼ੁਰੂਆਤ ਡੀਨ ਅਕਾਦਮਿਕ ਮਾਮਲੇ, ਪ੍ਰੋ. ਹਰਵਿੰਦਰ ਸਿੰਘ ਸੈਣੀ, ਪ੍ਰੋ. ਪ੍ਰਸ਼ਾਂਤ ਕੁਮਾਰ ਗੌਤਮ ਅਤੇ ਹੋਰ ਪਹੁੰਚੇ ਮਹਿਮਾਨਾਂ ਨੂੰ ਜੀ ਆਇਆਂ ਕਹਿਣ ਨਾਲ ਹੋਈ ਜਿਸ ਤੋਂ ਬਾਅਦ ਵਿਭਾਗ ਮੁਖੀ ਪ੍ਰੋ. ਤੇਜਵੰਤ ਸਿੰਘ ਕੰਗ ਅਤੇ ਟੀਮ ਵਲੋਂ ਪ੍ਰੋ. ਆਰ. ਕੇ. ਗੁਪਤਾ ਅਤੇ ਵਿਦੇਸ਼ੀ ਵਿਦਵਾਨਾਂ ਦਾ ਵੀ ਸਨਮਾਨ ਕੀਤਾ ਗਿਆ | ਕਾਨਫਰੰਸ ਦੇ ਕਨਵੀਨਰ ਡਾ. ਹਰਪ੍ਰੀਤ ਸਿੰਘ ਨੇ ਕਾਨਫਰੰਸ ਦੇ ਵਿਸ਼ੇ ਅਤੇ ਉਦੇਸ਼ਾਂ ਬਾਰੇ ਵਿਸਥਾਰ ਨਾਲ ਦੱਸਦਿਆਂ ਕਿਹਾ ਕਿ ਟਿਕਾਊ ਅਤੇ ਨੈਤਿਕ ਪਹੁੰਚ ਤੋਂ ਬਿਨਾਂ ਟੂਰਿਜ਼ਮ ਦਾ ਭਵਿੱਖ ਸੁਰੱਖਿਅਤ ਨਹੀਂ ਹੋ ਸਕਦਾ | ਆਪਣੇ ਮੁੱਖ ਭਾਸ਼ਣ ਵਿਚ ਕੀਨੋਟ ਭਾਸ਼ਣ ਦਿੰਦਿਆਂ ਪ੍ਰੋ. ਗੌਤਮ ਨੇ ਟਿਕਾਊ ਵਿਕਾਸ ਦੇ ਸੰਕਲਪ, ਕਾਰਬਨ ਕਰੈਡਿਟ ਦੇ ਵਪਾਰਕ ਮੌਕਿਆਂ ਅਤੇ ਕਮਿਊਨਿਟੀ ਅਧਾਰਿਤ ਟੂਰਿਜ਼ਮ ਦੀ ਭੂਮਿਕਾ ਬਾਰੇ ਵਿਚਾਰ ਸਾਂਝੇ ਕੀਤੇ | ਅਗਲੇ ਸੈਸ਼ਨ ਵਿਚ ਪ੍ਰੋ. ਸਕੌਟੀ ਰਿਚਰਡਸਨ ਨੇ ਸਸਟੇਨੇਬਿਲਿਟੀ ਪੈਰਾਡਾਕਸ, ਕਮਿਊਨਿਟੀ ਕੇਂਦਰਿਤ ਵਿਕਾਸ ਅਤੇ ਗ੍ਰੀਨਵਾਸ਼ਿੰਗ ਨਾਲ ਸੰਬੰਧਿਤ ਖੇਤਰਾਂ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ | ਇਸ ਤੋਂ ਬਾਅਦ ਪ੍ਰੋ. ਅਮਿਤ ਗੰਗੋਟੀਆ ਨੇ ਮਾਊਾਟ ਏਵਰੇਸਟ 'ਤੇ ਵਧ ਰਹੇ ਕੂੜੇ ਦੇ ਸੰਕਟ, ਕਚਰਾ ਪ੍ਰਬੰਧਨ ਦੀ ਅਰਥਵਿਵਸਥਾ ਅਤੇ ਤਾਈਵਾਨ ਦੇ ਸਫਲ ਰੀਸਾਈਕਲਿੰਗ ਮਾਡਲ ਦੀ ਚਰਚਾ ਕੀਤੀ | ਡਾ. ਲਿਪੀਕਾ ਗੁਲੀਆਨੀ ਨੇ ਵਿਦਿਆਰਥੀਆਂ ਨੂੰ ਵਾਤਾਵਰਨ ਸੰਭਾਲ ਦੀ ਮਹੱਤਤਾ ਬਾਰੇ ਜਾਗਰੂਕ ਕੀਤਾ |
ਪਿਛਲੀ ਖ਼ਬਰ ਵਿਲੇਜ ਡਿਫੈਂਸ ਕਮੇਟੀਆਂ 'ਚ ਆਮ ਲੋਕਾਂ ਨੂੰ ਸ਼ਾਮਿਲ ਕਰ ਕੇ ਯੁੱਧ ਨਸ਼ਿਆਂ ਵਿਰੁੱਧ ਬਣਿਆ ਜਨ ਅੰਦੋਲਨ-ਗੁਰਪ੍ਰਤਾਪ ਸਿੰਘ... ਅਗਲੀ ਖ਼ਬਰ ਡੀ. ਏ. ਵੀ. ਇੰਟਰਨੈਸ਼ਨਲ ਸਕੂਲ ਦਾ ਵਿਦਿਆਰਥੀ ਕਾਰਤਿਕੇਯ ਕਾਕੜੀਆ ਜੇ. ਈ. ਈ. ਮੇਨ 2026 'ਚ 'ਸਿਟੀ ਟਾਪਰ' <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।