ਰੇਲਵੇ ਟਰੈਕ ਦੇ ਨੇੜਿਓਂ ਮਿਲੀ ਲਾਸ਼

ਅ

ਅਜੀਤ ਡੈਸਕ 10-09-2026

ਜਲਾਲਾਬਾਦ, 9 ਸਤੰਬਰ(ਜਤਿੰਦਰ ਪਾਲ ਸਿੰਘ)-ਜਲਾਲਾਬਾਦ ਦੇ ਲੱਖੇ ਵਾਲੀ ਸੜਕ ਤੇ ਪਿੰਡ ਮੰਨੇ ਵਾਲਾ ਨੇੜੇ ਸਥਿਤ ਰੇਲਵੇ ਫਾਟਕ ਦੇ ਨੇੜੇ ਰੇਲਵੇ ਟਰੈਕ ਤੋਂ ਕੁੱਝ ਦਿਨ ਪੁਰਾਣੀ ਲਾਸ਼ ਮਿਲਣ ਦੀ ਸੂਚਨਾ ਹੈ। ਲਾਸ਼ ਦਾ ਪਤਾ ਲਗਦੇ ਹੀ ਲੋਕਾਂ ਵਿਚ ਸਨਸਨੀ ਫੈਲ ਗਈ। ਜਾਣਕਾਰੀ ਅਨੁਸਾਰ ਮੰਨੇ ਵਾਲਾ ਫਾਟਕ ਨੇੜੇ ਪੋਲ ਨੰਬਰ 54 ਤੇ ਪਿੱਲਰ ਨੰਬਰ 6/7 ਕੋਲ ਡਿਊਟੀ ’ਤੇ ਤਾਇਨਾਤ ਗੇਟ ਮੈਨ ਨੂੰ ਤੇਜ਼ ਬਦਬੂ ਮਹਿਸੂਸ ਹੋਈ। ਨੇੜੇ ਛਾਣਬੀਣ ਕਰਨ ’ਤੇ ਰੇਲਵੇ ਟਰੈਕ ਨੇੜੇ ਲਾਸ਼ ਪਈ ਮਿਲੀ ਜਿਸ ’ਤੇ ਇਸ ਦੀ ਸੂਚਨਾ ਸਰਕਾਰੀ ਰੇਲਵੇ ਪੁਲਿਸ ਚੌਕੀ ਜਲਾਲਾਬਾਦ ਨੂੰ ਦਿੱਤੀ ਗਈ, ਜਿਸ ਤੋਂ ਬਾਅਦ ਜੀ. ਆਰ. ਪੀ. ਟੀਮ ਨੇ ਮੌਕੇ ’ਤੇ ਪਹੁੰਚ ਕੇ ਲਾਸ਼ ਨੂੰ ਕਬਜ਼ੇ ਵਿਚ ਲੈ ਲਿਆ ਅਤੇ ਆਪਣੀ ਜਾਂਚ ਸ਼ੁਰੂ ਕਰ ਦਿੱਤੀ। ਜੀ ਆਰ ਪੀ ਚੌਕੀ ਜਲਾਲਾਬਾਦ ਦੇ ਇੰਚਾਰਜ ਸਹਾਇਕ ਸਬ ਇੰਸਪੈਕਟਰ ਮਹਿੰਦਰ ਸਿੰਘ ਨੇ ਦੱਸਿਆ ਕਿ ਮ੍ਰਿਤਕ ਦੀ ਉਮਰ ਕਰੀਬ 35 ਤੋਂ 40 ਸਾਲ ਦੇ ਵਿਚਕਾਰ ਹੈ। ਮ੍ਰਿਤਕ ਨੇ ਹਰੇ ਰੰਗ ਦੀ ਟੀ-ਸ਼ਰਟ ਤੇ ਨੀਲੇ ਰੰਗ ਦੀ ਨਿੱਕਰ ਪਾਈ ਹੋਈ ਸੀ। ਲਾਸ਼ ਦੀ ਹਾਲਤ ਖ਼ਰਾਬ ਹੋਣ ਕਰਕੇ ਮ੍ਰਿਤਕ ਦੀ ਪਹਿਚਾਣ ਨਹੀਂ ਹੋ ਸਕੀ ਹੈ। ਇਸ ਨੇੜੇ ਦੇ ਪੁਲਿਸ ਥਾਣਿਆਂ ਵਿਚ ਸੂਚਨਾ ਵੀ ਦੇ ਦਿੱਤੀ ਗਈ ਹੈ। ਜੀ. ਆਰ. ਪੀ. ਵਲ਼ੋਂ ਕਾਰਵਾਈ ਕੀਤੀ ਜਾ ਰਹੀ ਹੈ। ਲਾਸ਼ ਨੂੰ ਮ੍ਰਿਤਕ ਦੀ ਪਛਾਣ ਲਈ 24 ਘੰਟਿਆਂ ਵਾਸਤੇ ਫ਼ਾਜ਼ਿਲਕਾ ਸਥਿਤ ਮੁਰਦਾ ਘਰ ਵਿਚ ਰੱਖਿਆ ਗਿਆ ਹੈ।

ਪਿਛਲੀ ਖ਼ਬਰ ਸ੍ਰੀ ਅਰੋੜਵੰਸ਼ ਵੈੱਲਫੇਅਰ ਸੋਸਾਇਟੀ ਨੇ 13 ਮੈਂਬਰੀ ਐਡਵਾਈਜ਼ਰੀ ਕਮੇਟੀ ਕੀਤੀ ਗਠਿਤ ਅਗਲੀ ਖ਼ਬਰ ਜ਼ਿਲ੍ਹਾ ਸਿਹਤ ਵਿਭਾਗ ਫ਼ਾਜ਼ਿਲਕਾ ਨੇ ਕੀਤੀ ਸਮੀਖਿਆ ਬੈਠਕ, ‘ਆਭਾ ਆਈ.ਡੀ.’ ਦੇ ਟੀਚੇ ਪੂਰੇ ਕਰਨ ਦੇ ਨਿਰਦੇਸ਼

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਰੇਲਵੇ ਟਰੈਕ ਦੇ ਨੇੜਿਓਂ ਮਿਲੀ ਲਾਸ਼

Subscribers Only Story

ਸੰਬੰਧਿਤ ਖ਼ਬਰਾਂ