ਦਿਹਾਤੀ ਮੰਡੀਆਂ ਵਿਚ ਨਾ ਹੀ ਸਰਕਾਰੀ ਖਰੀਦ ਹੋਈ ਤੇ ਨਾ ਹੀ ਬਾਰਦਾਨਾ ਪਹੁੰਚਿਆ

ਅ

ਅਜੀਤ ਡੈਸਕ 04-10-2026

ਗੁਰਦਾਸਪੁਰ, 3 ਅਕਤੂਬਰ (ਅਸ਼ੋਕ ਸ਼ਰਮਾ)-ਦਿਹਾਤੀ ਮੰਡੀਆਂ ਵਿਚ ਨਾ ਝੋਨੇ ਦੀ ਸਰਕਾਰੀ ਖਰੀਦ ਆਰੰਭ ਹੋਈ ਅਤੇ ਨਾ ਹੀ ਸਰਕਾਰੀ ਬਾਰਦਾਨਾ ਪਹੁੰਚਿਆ ਹੈ। ਜਿਸ ਕਰਕੇ ਆੜਤੀ ਕਿਸਾਨਾਂ ਦਾ ਝੋਨੇ ਖਰੀਦ ਕੇ ਪ੍ਰਾਈਵੇਟ ਬੋਰੀਆਂ ਵਿਚ ਪਾਉਣ ਲਈ ਮਜਬੂਰ ਹਨ। ਜਿਸ ਨਾਲ ਮੰਡੀਆਂ ਵਿਚ ਅਗੇਤੇ ਹੀ ਧਾਕਾਂ ਲੱਗਣੀਆਂ ਸ਼ੁਰੂ ਹੋ ਗਈਆਂ ਹਨ। ਇਸ ਨਾਲ ਆੜਤੀਆਂ ਤੇ ਕਿਸਾਨਾਂ ਨੂੰ ਕਾਫੀ ਮੁਸ਼ਕਿਲਾਂ ਆਉਣ ਦੀ ਉਮੀਦ ਹੈ। ਮੰਡੀਆਂ ਵਿਚ ਆਏ ਕਿਸਾਨਾਂ ਨੇ ਇਸ ਪ੍ਰਤੀਨਿਧ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਮੰਡੀਆਂ ਵਿਚ ਝੋਨੇ ਦੀ ਖਰੀਦ ਇਕ ਅਕਤੂਬਰ ਤੋਂ ਆਰੰਭ ਹੋ ਚੁੱਕੀ ਹੈ। ਪਰ ਮੰਡੀਆਂ ਵਿਚ ਅਜੇ ਤੱਕ ਖਰੀਦ ਏਜੰਸੀਆਂ ਦਾ ਕੋਈ ਵੀ ਸਟਾਫ ਨਹੀਂ ਪਹੁੰਚਾ। ਉਨ੍ਹਾਂ ਦੱਸਿਆ ਕਿ ਇਹ ਝੋਨੇ ਦੀ ਫਸਲ ਇਕਸਾਰ ਹੀ ਪੱਕ ਜਾਵੇਗੀ ਅਤੇ ਮੰਡੀਆਂ ਵਿਚ ਕਾਫੀ ਰਸ਼ ਹੋ ਜਾਵੇਗਾ। ਜਿਸ ਨਾਲ ਮੰਡੀਆਂ ਵਿਚ ਕੀਤੇ ਅਗੇਤੇ ਪ੍ਰਬੰਧਾਂ ’ਤੇ ਕਈ ਸਵਾਲ ਉਠਣਗੇ। ਉਨ੍ਹਾਂ ਦੱਸਿਆ ਕਿ ਪੰਜਾਬ ਸਰਕਾਰ ਦਾਅਵਾ ਕਰ ਰਹੀ ਹੈ ਕਿ ਮੰਡੀਆਂ ਵਿਚ ਮਾਰਕੀਟ ਕਮੇਟੀ ਤੇ ਹੋਰ ਖਰੀਦ ਏਜੰਸੀਆਂ ਦੇ ਅਧਿਕਾਰੀ ਲਗਾ ਦਿੱਤੇ ਹਨ। ਪਰ ਮੰਡੀਆਂ ਵਿਚ ਆਏ ਝੋਨੇ ਦੀ ਇਕ ਢੇਰੀ ਵੀ ਮਹਿਕਮੇ ਵਲੋਂ ਨਹੀਂ ਲਿਖੀ ਗਈ। ਜਿਸ ਨਾਲ ਕਿਸਾਨ ਤੇ ਆੜਤੀ ਸਰਕਾਰ ਦੀ ਨੀਤੀ ਤੋਂ ਘਬਰਾਏ ਹੋਏ ਹਨ। ਉਨ੍ਹਾਂ ਡਿਪਟੀ ਕਮਿਸ਼ਨਰ ਗੁਰਦਾਸਪੁਰ ਪਾਸੋਂ ਮੰਗ ਕੀਤੀ ਕਿ ਮੰਡੀਆਂ ਵਿਚ ਫੌਰੀ ਝੋਨੇ ਦੀ ਖਰੀਦ ਕਰਵਾਉਣ ਲਈ ਸਮੁੱਚਾ ਸਟਾਫ ਮੰਡੀਆਂ ਵਿਚ ਭੇਜਿਆ ਜਾਵੇ, ਜਿਸ ਨਾਲ ਮੰਡੀਆਂ ਵਿਚ ਝੋਨੇ ਦੀ ਖਰੀਦ ਦਾ ਕੰਮ ਸੁਚਾਰੂ ਰੂਪ ਵਿਚ ਚੱਲ ਸਕੇ।

ਪਿਛਲੀ ਖ਼ਬਰ ਪਿੰਡ ਚਾਵਾ ਦੇ ਗੁਰਦੁਆਰਾ ਤੇ ਮੰਦਰ ’ਚ ਚੋਰਾਂ ਨੇ ਗੋਲਕਾਂ ਤੋੜ ਕੇ ਨਕਦੀ ਕੀਤੀ ਚੋਰੀ ਅਗਲੀ ਖ਼ਬਰ ਮੁਸਤਫਾਬਾਦ ਸੈਦਾਂ ਦੇ ਸਰਕਾਰੀ ਪ੍ਰਾਇਮਰੀ ਤੇ ਮਿਡਲ ਸਕੂਲ ’ਚ ਚੋਰੀ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਦਿਹਾਤੀ ਮੰਡੀਆਂ ਵਿਚ ਨਾ ਹੀ ਸਰਕਾਰੀ ਖਰੀਦ ਹੋਈ ਤੇ ਨਾ ਹੀ ਬਾਰਦਾਨਾ ਪਹੁੰਚਿਆ

Subscribers Only Story

ਸੰਬੰਧਿਤ ਖ਼ਬਰਾਂ