ਪਿੰਡ ਹਵੇਲੀਆਂ ਕਲਾਂ ’ਚ ਪੰਜਾਬ ਦੇ ਅੰਤਰਰਾਸ਼ਟਰੀ ਕਬੱਡੀ ਸਟਾਰਾਂ ਨੇ ਲੁੱਟਿਆ ਮੇਲਾ ਸਾਢੇ 3 ਲੱਖ ਨਗਦ ਇਨਾਮ ਹੋਣ ਕਰਕੇ ਮੈਚ ਬਣਿਆ ਖਿੱਚ ਦਾ ਕੇਂਦਰ

ਧਿਆਨਪੁਰ, 30 ਅਗਸਤ (ਕੁਲਦੀਪ ਸਿੰਘ ਸੋਨੂੰ)-ਪਿੰਡ ਹਵੇਲੀਆਂ ਕਲਾਂ ’ਚ ਧੰਨ ਬਾਬਾ ਸੈਦਾ ਜੀ ਦੇ ਪਾਵਨ ਅਸਥਾਨ ’ਤੇ ਰੱਖੜ ਪੁੰਨਿਆਂ ਦੇ ਮੇਲੇ ਨੂੰ ਸਮਰਪਿਤ 10 ਤੋਂ ਵੱਧ ਪੰਜਾਬ ਦੇ ਚੋਟੀ ਦੇ ਅੰਤਰਰਾਸ਼ਟਰੀ ਖਿਡਾਰੀਆਂ ਜਿਵੇ ਅਰਸ਼ ਚੋਲਾ ਸਾਹਿਬ, ਪਾਲਾ ਜਲਾਲਪੁਰ, ਮਨਦੀਪ ਬੱਲੜਾ, ਸੱਤੂ ਖੰਡੂਰ ਸਾਹਿਬ, ਬਾਜੂ ਬੈਂਕਾ, ਰਾਜਾ ਪੱਧਰੀ, ਭੀਮ ਦੁਬਲੀ, ਸਾਬਾ ਕਿੜੀ ਅਫਗਾਨਾਂ, ਸੁੱਖਾ ਮੱਘਾ, ਅੰਮ੍ਰਿਤ ਔਲਖ ਤੋਂ ਇਲਾਵਾ ਕਬੱਡੀ ਜਗਤ ਦੇ ਚਮਕਦੇ ਖਿਡਾਰੀਆ ਨੇ ਮੇਲੇ ’ਚ ਕਬੱਡੀ ਦੇ ਜੋਹੜ ਦਿਖਾ ਕੇ ਲੁੱਟਿਆ ਰੱਖੜ ਪੁੰਨਿਆਂ ਦਾ ਮੇਲਾ। ਇਸ ਸਬੰਧੀ ਅੰਤਰਰਾਸ਼ਟਰੀ ਕਬੱਡੀ ਸਟਾਰ ਗੱਜਣ ਹਵੇਲੀਆਂ, ਸਰਪੰਚ ਰਣਜੀਤ ਸਿੰਘ ਹਵੇਲੀਆਂ ਤੇ ਸਰਪੰਚ ਜੱਗੇ ਤਾਰੋਵਾਲੀ ਨੇ ਦੱਸਿਆ ਕਿ ਇਸ ਕਬੱਡੀ ਕੱਪ ਵਿਚ ਲਗਭਗ ਸਾਡੇ 3 ਲੱਖ ਦਾ ਨਗਦ ਇਨਾਮ ਦੇਣ ਤੋਂ ਇਲਾਵਾ ਪਾਲੀ ਜਲਾਲਪੁਰੀ ਨੂੰ ਇਕ ਗੁਰਜ ਤੇ 31000 ਰੁਪਏ ਦਾ ਇਨਾਮ ਤੇ ਦੀਪ ਸ਼ਿਕਾਰ ਮਾਛੀਆਂ ਵਾਲੇ ਨੂੰ ਮੋਟਰਸਾਈਕਲ ਦੇ ਕੇ ਸਨਮਾਨਿਤ ਕੀਤਾ ਗਿਆ।