ਧਾਰੀਵਾਲ, 1 ਅਪ੍ਰੈਲ (ਜੇਮਸ਼ ਨਾਹਰ)- ਈਸਟਰ ਦੇ ਪਵਿੱਤਰ ਦਿਨ ਦੇ ਮੱਦੇਨਜ਼ਰ ਵਾਰਿਸ ਮਸੀਹ ਰਹੀਮਾਂਬਾਦ ਵਲੋਂ ਸਹਾਇਕ ਕਮਿਸ਼ਨਰ ਜਨਰਲ ਜ਼ਿਲ੍ਹਾ ਗੁਰਦਾਸਪੁਰ ਕੁਲਦੀਪ ਚੰਦ ਨੂੰ ਮੰਗ ਪੱਤਰ ਸੌਂਪਿਆ ਗਿਆ | ਮੰਗ ਪੱਤਰ ਵਿਚ ਪ੍ਰਧਾਨ ਆਲ ਇੰਡੀਆ ਘੱਟ ਗਿਣਤੀ ਤੇ ਦਲਿਤ ਸਾਂਝਾ ਫਰੰਟ ਅਤੇ ਪੰਜਾਬ ਸਰਕਾਰ ਦੇ ਟੂਰਿਜ਼ਮ ਵਿਭਾਗ ਦੇ ਸਾਬਕਾ ਡਾਇਰੈਕਟਰ ਤੇ ਮਸੀਹ ਲੋਕਾਂ ਦੀ ਆਵਾਜ਼ ਨੂੰ ਬੁਲੰਦ ਕਰਨ ਵਾਲੇ ਵਾਰਿਸ ਮਸੀਹ ਰਹੀਮਾਂਬਾਦ ਵਲੋਂ ਮੰਗ ਕੀਤੀ ਗਈ ਕਿ ਸਮੇਂ ਦੇ ਹਲਾਤਾਂ ਨੂੰ ਮੁੱਖ ਰੱਖਦਿਆਂ 5 ਅਪ੍ਰੈਲ ਨੂੰ ਈਸਟਰ ਦੇ ਪਵਿੱਤਰ ਦਿਨ ਮੌਕੇ ਸਵੇਰੇ 5 ਵਜੇ ਤੋਂ ਲੈ ਕ ਸ਼ਾਮ 7 ਵਜੇ ਤੱਕ ਸਾਰੇ ਗਿਰਜਾਘਰਾਂ ਵਿਚ ਸੁਰੱਖਿਆ ਪ੍ਰਬੰਧ ਯਕੀਨੀ ਬਣਾਏ ਜਾਣ ਕਿਉਂਕਿ ਜ਼ਿਲ੍ਹਾ ਗੁਰਦਾਸਪੁਰ ਇਕ ਸਰਹੱਦੀ ਜ਼ਿਲ੍ਹਾ ਹੈ, ਇਸ ਲਈ ਸੁਰੱਖਿਆ ਨੂੰ ਮੁੱਖ ਰੱਖਿਆ ਜਾਵੇ | ਇਸ ਮੌਕੇ ਦਰਸ਼ਨ ਮਸੀਹ ਗਾਜੀਕੋਟ ਤੇ ਦਰਸ਼ਨ ਮਸੀਹ ਸਦੋ ਸੇਖਾ ਆਦਿ ਹਾਜ਼ਰ ਸਨ |