ਬਹਿਰਾਮ- ਮਾਹਿਲਪੁਰ ਮੁੱਖ ਸੜਕ ਦੇ ਕਿਨਾਰਿਆਂ ’ਤੇ ਉਗੇ ਨਦੀਨਾਂ ਦਾ ਦ੍ਰਿਸ਼। ਬਹਿਰਾਮ-ਮਾਹਿਲਪੁਰ ਮੁੱਖ ਸੜਕ ਦੇ ਕਿਨਾਰਿਆਂ ’ਤੇ ਨਦੀਨਾਂ ਦੀ ਭਰਮਾਰ ਕਾਰਨ ਲੁੱਟਾਂ ਖੋਹਾਂ ਹੋਣ ਦਾ ਡਰ
ਕਟਾਰੀਆਂ, 23 ਅਗਸਤ (ਪ੍ਰੇਮੀ ਸੰਧਵਾਂ) - ਰਾਹਗੀਰਾਂ ਨੇ ਆਪਣਾ ਦੁੱਖੜਾ ਸੁਣਾਉਂਦਿਆਂ ਕਿਹਾ ਕਿ ਬਹਿਰਾਮ- ਮਾਹਿਲਪੁਰ ਮੁੱਖ ਸੜਕ ਦੇ ਕਿਨਾਰਿਆਂ ਤੇ ਨਦੀਨਾਂ ਦੀ ਭਰਮਾਰ ਹੋਣ ਕਾਰਨ ਲੁੱਟਾਂ ਖੋਹਾਂ ਹੋਣ ਦਾ ਖ਼ਤਰਾ ਰਹਿੰਦਾ ਹੈ ਕਿਉਂਕਿ ਕਈ ਵਾਰੀ ਨਸ਼ੇੜੀ ਕਿਸਮ ਦੇ ਲੋਕ ਨਦੀਨਾਂ ਦੀ ਆੜ ’ਚ ਇਕੱਲੇ-ਦੁਕੱਲੇ ਦੋਪਹੀਆ ਵਾਹਨਾਂ ਚਾਲਕਾਂ ’ਤੇ ਹਮਲਾ ਕਰਕੇ ਲੁੱਟ ਖੋਹ ਕਰ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਲੁੱਟ- ਖੋਹ ਦੀਆਂ ਵਾਰਦਾਤਾਂ ਵਾਪਰ ਚੁੱਕੀਆਂ ਹਨ ਪਰ ਫੇਰ ਵੀ ਸੜਕੀ ਵਿਭਾਗ ਵਲੋਂ ਬਹਿਰਾਮ- ਮਾਹਿਲਪੁਰ ਸੜਕ ’ਤੇ ਹੋਈ ਭਾਰੀ ਨਦੀਨਾਂ ਦੀ ਸਫਾਈ ਨਹੀਂ ਕਰਵਾਈ ਗਈ ਜਿਸ ਕਾਰਨ ਰਾਹਗੀਰਾਂ ਅੰਦਰ ਲੁੱਟ- ਖੋਹ ਦਾ ਡਰ ਫੈਲਿਆ ਰਹਿੰਦਾ ਹੈ।
ਅਜੀਤ ਡੈਸਕ
24-08-2026
