ਭੋਲੇ ਨਾਥ ਦੇ ਜੈਕਾਰਿਆਂ ਨਾਲ ਗੂੰਜਿਆ ਰੈਲਮਾਜਰਾ
ਕਾਠਗੜ੍ਹ, 11 ਅਗਸਤ (ਹਰਸਿਮਰਨ ਜੋਤ ਸਿੰਘ ਕਲੇਰ) - ਤਿੰਨ ਪੰਚਾਇਤਾਂ ਵਾਲੇ ਪਿੰਡ ਰੈਲਮਾਜਰਾ ਤੋਂ ਸ਼ਿਵ ਕਾਵੜ ਮਹਾਂ ਮਿੱਤਰ ਮੰਡਲੀ ਦਾ ਇੱਕ ਵਿਸ਼ੇਸ਼ ਜਥਾ ਪਵਿੱਤਰ ਗੰਗਾ ਜਲ ਲਿਆਉਣ ਲਈ ਹਰਿਦਵਾਰ ਵਾਸਤੇ ਰਵਾਨਾ ਹੋਇਆ। ਸ਼ਿਵ ਭਗਤੀ ਦੇ ਰੰਗ ਵਿੱਚ ਰੰਗੇ ਇਸ ਜੱਥੇ ਨੂੰ ਪਿੰਡ ਵਾਸੀਆਂ ਅਤੇ ਇਲਾਕੇ ਦੇ ਪਤਵੰਤਿਆਂ ਵੱਲੋਂ ਸ਼ੁਭਕਾਮਨਾਵਾਂ ਦਿੰਦਿਆਂ ਹਰਿਦੁਆਰ ਲਈ ਰਵਾਨਾ ਕੀਤਾ ਗਿਆ।
ਕਾਠਗੜ੍ਹ, 11 ਅਗਸਤ (ਹਰਸਿਮਰਨ ਜੋਤ ਸਿੰਘ ਕਲੇਰ) - ਤਿੰਨ ਪੰਚਾਇਤਾਂ ਵਾਲੇ ਪਿੰਡ ਰੈਲਮਾਜਰਾ ਤੋਂ ਸ਼ਿਵ ਕਾਵੜ ਮਹਾਂ ਮਿੱਤਰ ਮੰਡਲੀ ਦਾ ਇੱਕ ਵਿਸ਼ੇਸ਼ ਜਥਾ ਪਵਿੱਤਰ ਗੰਗਾ ਜਲ ਲਿਆਉਣ ਲਈ ਹਰਿਦਵਾਰ ਵਾਸਤੇ ਰਵਾਨਾ ਹੋਇਆ। ਸ਼ਿਵ ਭਗਤੀ ਦੇ ਰੰਗ ਵਿੱਚ ਰੰਗੇ ਇਸ ਜੱਥੇ ਨੂੰ ਪਿੰਡ ਵਾਸੀਆਂ ਅਤੇ ਇਲਾਕੇ ਦੇ ਪਤਵੰਤਿਆਂ ਵੱਲੋਂ ਸ਼ੁਭਕਾਮਨਾਵਾਂ ਦਿੰਦਿਆਂ ਹਰਿਦੁਆਰ ਲਈ ਰਵਾਨਾ ਕੀਤਾ ਗਿਆ। ਮੰਡਲੀ ਦੇ ਮੁੱਖ ਪ੍ਰਬੰਧਕ ਧਰਮਪਾਲ ਨੇ ਯਾਤਰਾ ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਸਮੁੱਚਾ ਜੱਥਾ ਲਗਪਗ 350 ਕਿਲੋਮੀਟਰ ਦੀ ਬੇਹੱਦ ਕਠਿਨ ਯਾਤਰਾ ਪੈਦਲ ਤੈਅ ਕਰੇਗਾ। ਸ਼ਿਵ ਭਗਤ ਹਰਿਦਵਾਰ ਤੋਂ ਪਵਿੱਤਰ ਗੰਗਾ ਜਲ ਕਾਵੜ ਵਿੱਚ ਭਰ ਕੇ ਛੇ ਦਿਨਾਂ ਦੇ ਅੰਦਰ-ਅੰਦਰ ਵਾਪਸ ਰੈਲਮਾਜਰਾ ਪਹੁੰਚਣਗੇ। ਪਿੰਡ ਵਾਪਸ ਪਰਤ ਕੇ ਸਮੂਹ ਕਾਵੜੀਆਂ ਵੱਲੋਂ ਰੈਲਮਾਜਰਾ ਦੇ ਪ੍ਰਾਚੀਨ ਸ਼ਿਵ ਮੰਦਰ ਵਿਖੇ ਪੂਰੀ ਰੀਤੀ-ਰਿਵਾਜਾਂ ਨਾਲ ਭਗਵਾਨ ਭੋਲੇਨਾਥ ਦਾ ਜਲ ਅਭਿਸ਼ੇਕ ਕੀਤਾ ਜਾਵੇਗਾ ਅਤੇ ਇਲਾਕੇ ਦੀ ਸੁੱਖ-ਸ਼ਾਂਤੀ, ਖੁਸ਼ਹਾਲੀ ਤੇ ਸਰਬੱਤ ਦੇ ਭਲੇ ਲਈ ਅਰਦਾਸ ਕੀਤੀ ਜਾਵੇਗੀ। ਇਸ ਰੂਹਾਨੀ ਅਤੇ ਧਾਰਮਿਕ ਯਾਤਰਾ ਵਿੱਚ ਲਗਪਗ 30 ਦੇ ਕਰੀਬ ਉਤਸ਼ਾਹੀ ਸ਼ਿਵ ਭਗਤ ਸ਼ਾਮਲ ਹਨ। ਇਸ ਪਵਿੱਤਰ ਕਾਵੜ ਯਾਤਰਾ ’ਚ ਮੰਡਲੀ ਦੇ ਪ੍ਰਧਾਨ ਸੁਰਿੰਦਰ ਛਿੰਦਾ, ਮਨੋਹਰ ਲਾਲ, ਦੀਪੂ ਗੁੱਜਰ, ਬਲਦੇਵ ਭੋਲੇਵਾਲ, ਸੰਨੀ ਬਾਬਾ, ਸ਼ਸ਼ੀ ਕੁਮਾਰ, ਬਲਵਿੰਦਰ ਕੁਮਾਰ, ਜਸ਼ਨ ਚੌਧਰੀ, ਕਮਲ ਕਿਸ਼ੋਰ, ਸਤਪਾਲ ਸਿੰਘ, ਅਸ਼ਵਨੀ ਕੁਮਾਰ, ਕੁਲਵਿੰਦਰ, ਧਰਮਪਾਲ ਅਤੇ ਰਵੀ ਕੁਮਾਰ ਸਮੇਤ ਹੋਰ ਵੀ ਅਨੇਕਾਂ ਸ਼ਿਵ ਭਗਤ ਸ਼ਾਮਲ ਹਨ। ਇਸ ਮੌਕੇ ਪਿੰਡ ਦੀਆਂ ਤਿੰਨਾਂ ਪੰਚਾਇਤਾਂ ਦੇ ਨੁਮਾਇੰਦਿਆਂ ਅਤੇ ਸੰਗਤਾਂ ਵੱਲੋਂ ਜਥੇ ਦੇ ਮੈਂਬਰਾਂ ਦਾ ਮੂੰਹ ਮਿੱਠਾ ਕਰਵਾ ਕੇ ਅਤੇ ਫੁੱਲਾਂ ਦੇ ਹਾਰ ਪਾ ਕੇ ਹਰਿਦਵਾਰ ਲਈ ਸਫਲ ਯਾਤਰਾ ਦੀਆਂ ਅਸੀਸਾਂ ਦਿੱਤੀਆਂ ਗਈਆਂ।
