ਰੱਤੇਵਾਲ, 1 ਜਨਵਰੀ (ਅਸ਼ੋਕ ਕੁਮਾਰ ਲੀਲ)-ਸਤਿਲੋਕ ਧਾਮ ਰੱਤੇਵਾਲ ਵਿਖੇ ਨਵੇਂ ਸਾਲ ਦੀ ਆਮਦ 'ਤੇ ਅੰਮਿ੍ਤਮਈ ਬਾਣੀ ਦੇ ਭੋਗ ਪਾਏ ਗਏ | ਇਹ ਸਮਾਗਮ ਧਾਮ ਦੇ ਮੁੱਖ ਸੰਚਾਲਕ ਸਵਾਮੀ ਕਿ੍ਸ਼ਨਾ ਨੰਦ ਮਹਾਰਾਜ ਦੀ ਪ੍ਰੇਰਨਾ ਨਾਲ ਕਰਵਾਇਆ ਗਿਆ | ਸਵਾਮੀ ਜੀ ਨੇ ਇਸ ਮੌਕੇ 'ਤੇ ਸਮੂਹ ਵਿਸ਼ਵ ਵਾਸੀਆਂ ਨੂੰ ਨਵੇਂ ਸਾਲ ਦੀ ਆਮਦ 'ਤੇ ਵਧਾਈਆਂ ਦਿੱਤੀਆਂ ਤੇ ਬੰਦੀਛੋੜ ਜੀ ਨੇ ਵਿਸ਼ਵ ਸ਼ਾਂਤੀ 'ਤੇ ਕਲਿਆਣ ਲਈ ਅਰਦਾਸ ਵੀ ਕੀਤੀ | ਇਸ ਮੌਕੇ ਸਵਾਮੀ ਰਾਮ ਤੀਰਥ ਗਊਸ਼ਾਲਾ ਵਾਲਿਆਂ ਨੇ ਵੀ ਸੰਗਤਾਂ ਨੂੰ ਮੁਬਾਰਕ ਦਿੰਦਿਆਂ ਪ੍ਰਮਾਤਮਾ ਤੋਂ ਵਿਸ਼ਵ ਕਲਿਆਣ ਲਈ ਅਰਦਾਸ ਕੀਤੀ | ਹਰ ਸਾਲ ਮਨਾਏ ਜਾਂਦੇ ਇਸ ਪ੍ਰੋਗਰਾਮ ਵਿੱਚ ਰਾਤ ਤੋਂ ਹੀ ਸੰਗਤਾਂ ਦਾ ਭਾਰੀ ਮੇਲਾ ਲੱਗਿਆ ਹੋਇਆ ਸੀ | ਧਾਮ ਵਿਖੇ ਪਹੁੰਚੀਆਂ ਸਭ ਸੰਗਤਾਂ ਨੂੰ ਮੁੱਖ ਸੇਵਾਦਾਰ ਵਾਸਦੇਵ ਭੂੰਬਲਾ ਨੇ ਵਧਾਈਆਂ ਦਿੱਤੀਆਂ ਤੇ ਸੂਚਨਾ ਵੀ ਦਿੱਤੀ ਕਿ ਅੱਜ ਤੋਂ ਫਿਰ ਬੰਦੀ ਛੋੜ ਜੀ ਦੀ ਅੰਮਿ੍ਤ ਬਾਣੀ ਦੇ ਪ੍ਰਕਾਸ਼ ਹੋਏ ਹਨ ਤੇ 3 ਜਨਵਰੀ ਨੂੰ ਪੂਰਨਿਮਾ ਦਾ ਸਮਾਗਮ ਹੋਵੇਗਾ |
