ਪਿੰਡ ਜਮਸ਼ੇਰ ਚਠਿਆਲ ਛਿੰਝ ਮੇਲੇ ਦੀ ਵੱਡੀ ਰੁਮਾਲੀ ਦੀ ਕੁਸ਼ਤੀ ਪਹਿਲਵਾਨ ਮੁਸਤਫ਼ਾ ਇਰਾਨ ਨੇ ਜਿੱਤੀ

ਅ

ਅਜੀਤ ਡੈਸਕ 14-09-2026

ਪੱਸੀ ਕੰਢੀ, 13 ਸਤੰਬਰ (ਜਗਤਾਰ ਸਿੰਘ ਰਜਪਾਲਮਾ)-ਗੜ੍ਹਦੀਵਾਲਾ ਦੇ ਨੇੜਲੇ ਪਿੰਡ ਜਮਸ਼ੇਰ ਚਠਿਆਲ ਵਿਖੇ ਲੱਖ ਦਾਤਾ ਪੀਰ ਮੀਰਾ ਸ਼ਾਹ ਛਿੰਝ ਮੇਲਾ ਕਮੇਟੀ ਵਲੋਂ ਬਾਬਾ ਅਵਤਾਰ ਨਾਥ ਚਠਿਆਲੀਆਂ ਦੇ ਅਸ਼ੀਰਵਾਦ ਸਦਕਾ ਤੇ ਪ੍ਰਧਾਨ ਅਵਤਾਰ ਸਿੰਘ ਦੀ ਅਗਵਾਈ ਹੇਠ ਐਨ. ਆਰ. ਆਈ. ਵੀਰਾਂ ਤੇ ਸਮੂਹ ਪਿੰਡ ਦੇ ਸਹਿਯੋਗ ਨਾਲ ਸਾਲਾਨਾ ਛਿੰਝ ਮੇਲਾ ਕਰਾਇਆ, ਜਿਸ ਵਿਚ ਲਗਪਗ 70 ਦੇ ਕਰੀਬ ਪਹਿਲਵਾਨਾਂ ਨੇ ਅਖਾੜੇ ਅੰਦਰ ਆਪਣੀ ਕੁਸ਼ਤੀ ਦੇ ਜੌਹਰ ਦਿਖਾਏ। ਜਿਸ ਵਿਚ ਛੋਟੀ ਰੁਮਾਲੀ ਦੀ ਕੁਸ਼ਤੀ ਦੌਰਾਨ ਜੋਂਟੀ ਗੁੱਜਰ ਨੇ ਪਹਿਲਾਂ ਸਥਾਨ ਜਦਕਿ ਮੁਜ਼ਲਫੀ ਇਰਾਨ ਨੇ ਦੂਜਾ ਸਥਾਨ ਹਾਸਿਲ ਕਰਕੇ ਪ੍ਰਬੰਧਕਾਂ ਪਾਸੋਂ ਮਾਈਕ ਸਹਾਇਤਾ ਤੇ ਪਗਾਂ ਪ੍ਰਾਪਤ ਕੀਤੀਆਂ। ਇਸ ਮੌਕੇ ਵੱਡੀ ਰੁਮਾਲੀ ਦੀ ਫਾਈਨਲ ਕੁਸ਼ਤੀ ਵਿਚ ਮੁਸਤਫ਼ਾ ਇਰਾਨ ਨੂੰ ਪਹਿਲਾਂ ਸਥਾਨ ਹਾਸਿਲ ਕਰਨ ’ਤੇ ਪ੍ਰਬੰਧਕਾਂ ਨੇ ਮਾਈਕ ਸਹਾਇਤਾ ਤੇ ਪੱਗ ਦੇ ਕੇ ਨਿਵਾਜਿਆ, ਜਦਕਿ ਦੂਜੇ ਸਥਾਨ ’ਤੇ ਰਹੇ ਉਮੇਸ਼ ਮਥੁਰਾ ਦੀ ਪ੍ਰਬੰਧਕਾਂ ਨੇ ਮਾਈਕ ਸਹਾਇਤਾ ਤੇ ਬਣਦਾ ਸਨਮਾਨ ਦੇ ਕੇ ਹੌਸਲਾ ਅਫਜਾਈ ਕੀਤੀ। ਇਸ ਮੌਕੇ ਜੇਤੂ ਪਹਿਲਵਾਨਾਂ ਨੂੰ ਨਕਦੀ ਤੇ ਬਣਦਾ ਮਾਨ-ਸਨਮਾਨ ਦੇ ਕੇ ਵਿਸ਼ੇਸ਼ ਤੌਰ ’ਤੇ ਸਨਮਾਨਿਤ ਕੀਤਾ। ਇਸ ਮੌਕੇ ਡੇਰਾ ਬਾਬਾ ਭੋਲਾ ਗਿਰ ਰਾਜਪੁਰ ਕੰਢੀ ਗੱਦੀ ਨਸ਼ੀਨ ਮਹੰਤ ਰਾਮ ਗਿਰ ਤੇ ਸੰਤ ਰਾਜਨ ਗਿਰ ਵਲੋਂ ਵਿਸ਼ੇਸ਼ ਤੌਰ ’ਤੇ ਪਹਿਲਵਾਨਾਂ ਨੂੰ ਅਸ਼ੀਰਵਾਦ ਦੇਣ ਪੁੱਜੇ, ਜਿਨ੍ਹਾਂ ਵਲੋਂ ਵੱਡੀ ਰੁਮਾਲੀ ਦੀ ਕੁਸ਼ਤੀ ਸ਼ੁਰੂ ਕਰਵਾ ਕੇ ਪ੍ਰਬੰਧਕਾਂ ਨੂੰ ਛਿੰਝ ਕਰਵਾਉਣ ਦੀ ਮੁਬਾਰਕਬਾਦ ਦਿੱਤੀ। ਇਸ ਮੌਕੇ ਕੁਮੈਂਟੇਟਰ ਦੇ ਸੇਵਾ ਹਰਦੀਪ ਰੰਧਾਵਾ ਵਲੋਂ ਨਿਭਾਈ ਗਈ। ਇਸ ਮੌਕੇ ਛਿੰਝ ਮੇਲਾ ਕਮੇਟੀ ਵਲੋਂ ਛਿੰਝ ਮੇਲੇ ਦੌਰਾਨ ਪੁੱਜੀਆਂ ਪ੍ਰਮੁੱਖ ਸ਼ਖ਼ਸੀਅਤਾਂ ਨੂੰ ਸਨਮਾਨਿਤ ਕੀਤਾ। ਇਸ ਮੌਕੇ ਪ੍ਰਧਾਨ ਅਵਤਾਰ ਸਿੰਘ, ਓਂਕਾਰ ਨਾਥ ਗੋਗੀ, ਬ੍ਰਿਜ ਭੂਸ਼ਣ ਸ਼ਰਮਾ, ਭਾਰਤ ਭੂਸ਼ਣ ਲਾਡੀ, ਐਸ. ਐਚ. ਓ. ਗੜ੍ਹਦੀਵਾਲਾ ਪਰਵਿੰਦਰ ਸਿੰਘ ਧੂਤ, ਏ. ਐਸ. ਆਈ. ਹਰਜਿੰਦਰ ਸਿੰਘ, ਸਰਪੰਚ ਜਗਰੂਪ ਸਿੰਘ, ਸੰਜੀਵ ਮਿਨਹਾਸ, ਬਲਜੀਤ ਸਿੰਘ ਬੰਟੀ, ਸੰਦੀਪ ਪੀ. ਪੀ., ਪਾਲ ਜੱਟ, ਦਵਿੰਦਰ ਜੱਟ, ਸ਼ਿੰਦਾ, ਜੁਲਫ਼ੀ, ਨੰਬਰਦਾਰ ਸੰਜੀਵ, ਨੰਬਰਦਾਰ ਖੁਸ਼ਹਾਲ ਸਿੰਘ, ਨਰਿੰਦਰ ਸ਼ਰਮਾ, ਅਮਰਜੀਤ ਸਿੰਘ, ਪਰਮਜੀਤ ਪੰਮੀਂ, ਵਿਜੈ ਕੁਮਾਰ, ਪਰਮਜੀਤ ਸਿੰਘ ਪੰਮਾ, ਸੰਤੋਖ ਸਿੰਘ, ਮਾਸਟਰ ਇਟਲੀ, ਅਸ਼ਵਨੀ ਇੰਗਲੈਂਡ ਸਮੇਤ ਵੱਡੀ ਗਿਣਤੀ ’ਚ ਪਿੰਡ ਵਾਸੀ ਹਾਜ਼ਰ ਸਨ।

ਪਿਛਲੀ ਖ਼ਬਰ ਪਹਿਲੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਰਾਤਰੀ ਕੀਰਤਨ ਤੇ ਢਾਡੀ ਦਰਬਾਰ ਕਰਵਾਇਆ ਅਗਲੀ ਖ਼ਬਰ ਵਕੀਲਾਂ ਦੀਆਂ ਸਮੱਸਿਆਵਾਂ ਦੇ ਨਿਪਟਾਰੇ ਅਤੇ ਬਾਰ ਤੇ ਬੈਂਚ ਵਿਚਕਾਰ ਚੰਗੇ ਸੰਬੰਧਾਂ ਲਈ ਯਤਨਸ਼ੀਲ ਰਹਾਂਗਾ-ਐਡਵੋਕੇਟ ਭੁੱਲਰ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਪਿੰਡ ਜਮਸ਼ੇਰ ਚਠਿਆਲ ਛਿੰਝ ਮੇਲੇ ਦੀ ਵੱਡੀ ਰੁਮਾਲੀ ਦੀ ਕੁਸ਼ਤੀ ਪਹਿਲਵਾਨ ਮੁਸਤਫ਼ਾ ਇਰਾਨ ਨੇ ਜਿੱਤੀ

Subscribers Only Story

ਸੰਬੰਧਿਤ ਖ਼ਬਰਾਂ