ਵਿਧਾਇਕ ਜਸਵੀਰ ਸਿੰਘ ਰਾਜਾ ਗਿੱਲ ਨੇ ਬਿਜਲੀ ਬੋਰਡ ਦੇ ਅਧਿਕਾਰੀਆਂ ਨਾਲ ਕੀਤੀ ਮੀਟਿੰਗ
ਗੜ੍ਹਦੀਵਾਲਾ, 26 ਅਗਸਤ (ਚੱਗਰ)- ਹਲਕਾ ਵਿਧਾਇਕ ਜਸਵੀਰ ਸਿੰਘ ਰਾਜਾ ਗਿੱਲ ਵੱਲੋਂ ਗੜ੍ਹਦੀਵਾਲਾ ਇਲਾਕੇ ਵਿਚ ਸੁਚਾਰੂ ਢੰਗ ਨਾਲ ਬਿਜਲੀ ਸਪਲਾਈ ਦੇਣ ਸਬੰਧੀ ਬਿਜਲੀ ਬੋਰਡ ਦੇ ਅਧਿਕਾਰੀਆਂ ਨਾਲ ਵਿਸ਼ੇਸ਼ ਮੀਟਿੰਗ ਕੀਤੀ ਗਈ ਜਿਸ ਵਿਚ ਡਿਪਟੀ ਚੀਫ਼ ਇੰਜੀਨੀਅਰ ਹਰਮਿੰਦਰ ਸਿੰਘ ਰੱਤੂ, ਐਕਸੀਅਨ ਆਸ਼ੀਸ਼ ਸ਼ਰਮਾ, ਐਸ. ਡੀ.
ਗੜ੍ਹਦੀਵਾਲਾ, 26 ਅਗਸਤ (ਚੱਗਰ)- ਹਲਕਾ ਵਿਧਾਇਕ ਜਸਵੀਰ ਸਿੰਘ ਰਾਜਾ ਗਿੱਲ ਵੱਲੋਂ ਗੜ੍ਹਦੀਵਾਲਾ ਇਲਾਕੇ ਵਿਚ ਸੁਚਾਰੂ ਢੰਗ ਨਾਲ ਬਿਜਲੀ ਸਪਲਾਈ ਦੇਣ ਸਬੰਧੀ ਬਿਜਲੀ ਬੋਰਡ ਦੇ ਅਧਿਕਾਰੀਆਂ ਨਾਲ ਵਿਸ਼ੇਸ਼ ਮੀਟਿੰਗ ਕੀਤੀ ਗਈ ਜਿਸ ਵਿਚ ਡਿਪਟੀ ਚੀਫ਼ ਇੰਜੀਨੀਅਰ ਹਰਮਿੰਦਰ ਸਿੰਘ ਰੱਤੂ, ਐਕਸੀਅਨ ਆਸ਼ੀਸ਼ ਸ਼ਰਮਾ, ਐਸ.ਡੀ.ਓ. ਗੜ੍ਹਦੀਵਾਲਾ ਦਰਸ਼ਵੀਰ ਸਿੰਘ, ਆਰ.ਓ. ਮਨੀਸ਼ ਕੁਮਾਰ ਸਮੇਤ ਬਿਜਲੀ ਵਿਭਾਗ ਦੇ ਜੇ.ਈ. ਤੇ ਲਾਈਨਮੈਨ ਆਦਿ ਹਾਜ਼ਰ ਸਨ। ਇਸ ਮੌਕੇ ਵਿਧਾਇਕ ਰਾਜਾ ਗਿੱਲ ਨੇ ਦੱਸਿਆ ਕਿ ਗੜ੍ਹਦੀਵਾਲਾ ਹਲਕੇ ਦੇ ਤਿੰਨ ਪਿੰਡ ਮੱਲ੍ਹੇਵਾਲ, ਭਾਣੋਵਾਲ ਤੇ ਭੰਬੋਵਾਲ ਆਦਿ ਨੂੰ ਜਿਹੜੀ ਬਿਜਲੀ ਸਪਲਾਈ ਤਾਰਾਂ ਰਾਹੀਂ ਜਾਂਦੀ ਹੈ, ਉਸ ਦੇ ਥਾਂ ਕੇਵਲ ਪਾਈ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਮੀਂਹ ਹਨੇਰੀ ਆਉਣ ਨਾਲ ਬਿਜਲੀ ਦੀਆਂ ਤਾਰਾਂ ‘ਤੇ ਕਈ ਦਰਖਤ ਡਿਗ ਪੈਂਦੇ ਹਨ, ਜਿਸ ਕਰਕੇ ਬਿਜਲੀ ਸਪਲਾਈ ਪ੍ਰਭਾਵਿਤ ਹੁੰਦੀ ਹੈ। ਉਸ ਦੀ ਥਾਂ ਇਹਨਾਂ ਪਿੰਡਾਂ ‘ਚ ਕੇਵਲ ਰਾਹੀਂ ਬਿਜਲੀ ਸਪਲਾਈ ਦੀ ਆਰੰਭਤਾ ਕੀਤੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਗੜ੍ਹਦੀਵਾਲਾ ਤੋਂ ਸਰਹਾਲਾ ਰੋਡ ‘ ਤੇ ਵੀ ਜਿੱਥੇ ਦਰਖਤ ਵਗ਼ੈਰਾ ਜ਼ਿਆਦਾ ਹਨ ਉੱਥੇ ਕੇਵਲ ਪਾ ਕੇ ਅਤੇ ਬਾਕੀ ਥਾਵਾਂ ‘ਤੇ ਨਵੀਆਂ ਤਾਰਾਂ ਪਾ ਕੇ ਬਿਜਲੀ ਸਪਲਾਈ ਸੁਚਾਰੂ ਢੰਗ ਦੇ ਨਾਲ ਕੀਤੀ ਜਾਵੇਗੀ। ਉਨ੍ਹਾਂ ਖ਼ਾਸ ਕਰਕੇ ਕੰਢੀ ਖੇਤਰ ਵਿਚ ਨਿਰਵਿਘਨ ਬਿਜਲੀ ਸਪਲਾਈ ਦੇਣ ਲਈ ਵਚਨਬੱਧਤਾ ਪ੍ਰਗਟਾਈ।ਇਸ ਮੌਕੇ ਬਲਾਕ ‘ਆਪ’ ਆਗੂ ਕੇਸ਼ਵ ਸੈਣੀ, ਕੌਂਸਲਰ ਬਹਿਲ, ਸ਼ੈਂਕੀ ਕਲਿਆਣ, ਐਸ.ਡੀ.ਸੀ. ਹਰਬੰਸ ਸਿੰਘ, ਜੇ.ਈ. ਰਾਮ ਲਾਲ, ਮੋਹਨ ਸਿੰਘ, ਅਵਤਾਰ ਸਿੰਘ, ਆਸ਼ੀਸ਼ ਆਦਿ ਹਾਜ਼ਰ ਸਨ।
