ਗੜ੍ਹਦੀਵਾਲਾ,5 ਅਪ੍ਰੈਲ (ਚੱਗਰ)-ਹਲਕਾ ਵਿਧਾਇਕ ਜਸਵੀਰ ਸਿੰਘ ਰਾਜਾ ਗਿੱਲ ਨੇ ਪਿੰਡ ਫ਼ਤਿਹਪੁਰ ਵਿਖੇ 20 ਲੱਖ ਰੁਪਏ ਦੀ ਲਾਗਤ ਨਾਲ ਨਵੇਂ ਬਣੇ ਪੰਚਾਇਤ ਘਰ ਦਾ ਉਦਘਾਟਨ ਕੀਤਾ | ਇਸ ਮੌਕੇ ਉਨ੍ਹਾਂ ਸੰਬੋਧਨ ਕਰਦਿਆਂ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਕੰਢੀ ਇਲਾਕੇ ਅੰਦਰ ਲੋਕਾਂ ਦੀਆਂ ਜ਼ਰੂਰਤਾਂ ਨੂੰ ਪਹਿਲ ਦੇ ਆਧਾਰ 'ਤੇ ਪੂਰਾ ਕੀਤਾ ਜਾ ਰਿਹਾ ਹੈ | ਇਸ ਮੌਕੇ ਪਿੰਡ ਵਾਸੀਆਂ ਨੇ ਵਿਧਾਇਕ ਰਾਜਾ ਗਿੱਲ ਦਾ ਸਵਾਗਤ ਕਰਦਿਆਂ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ ਅਤੇ ਪਿੰਡ ਦੀਆ ਬਾਕੀ ਰਹਿੰਦਿਆਂ ਮੰਗਾਂ ਨੂੰ ਪੂਰਾ ਕਰਨ ਦੀ ਅਪੀਲ ਕੀਤੀ | ਇਸ ਮੌਕੇ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਕੁਲਦੀਪ ਸਿੰਘ ਮਿੰਟੂ, ਅੰਕੁਸ਼ ਮਸਤੀਵਾਲ, ਮਾਸਟਰ ਪਰਮਾਨੰਦ, ਅਨੀਤਾ ਕੁਮਾਰੀ ਸਰਪੰਚ, ਗੌਰਵ ਠਾਕੁਰ, ਜੈਬਾ ਬਾਹਟੀਵਾਲ, ਰੂਪ ਲਾਲ ਫ਼ਤਿਹਪੁਰ, ਅਵਤਾਰ ਸਿੰਘ, ਕੈਪਟਨ ਗੁਰਵਿੰਦਰ ਤੇ ਸੋਨੂੰ ਚਠਿਆਲੀ ਆਦਿ ਮੌਜੂਦ ਸਨ |
