ਰਾਮਗੜ੍ਹ ਸੀਕਰੀ, 1 ਜਨਵਰੀ (ਕਟੋਚ)-ਤਲਵਾੜਾ-ਮੁਬਾਰਕਪੁਰ ਅੰਤਰਰਾਜੀ ਸੜਕ ਦਾ ਜਲਦ ਨਵੀਨੀਕਰਨ ਹੋਵੇਗਾ ਅਤੇ ਇਸ ਸੰਬੰਧੀ ਟੈਂਡਰ ਪ੍ਰਕਿਰਿਆ ਸ਼ੁਰੂ ਹੋ ਚੁੱਕੀ ਹੈ | ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਹਲਕਾ ਵਿਧਾਇਕ ਐਡ. ਕਰਮਵੀਰ ਸਿੰਘ ਘੁੰਮਣ ਨੇ ਦੱਸਿਆ ਕਿ ਤਲਵਾੜਾ ਤੋਂ ਭਟੋਲੀ ਤੱਕ ਪੰਜਾਬ ਹਿੱਸੇ ਦੀ ਕਰੀਬ 16.40 ਕਿੱਲੋਮੀਟਰ ਇਸ ਅਤਿ ਮਹੱਤਵਪੂਰਨ ਸੜਕ ਦੇ ਮੁਰੰਮਤ ਅਤੇ ਨਵੀਨੀਕਰਨ ਦਾ ਕੰਮ ਇਸੇ ਮਹੀਨੇ ਸ਼ੁਰੂ ਹੋ ਜਾਵੇਗਾ | ਇੱਥੇ ਇਹ ਵਰਨਣਯੋਗ ਹੈ ਕਿ ਪਿਛਲੇ ਕਰੀਬ 7-8 ਸਾਲਾਂ ਤੋਂ ਮੁਰੰਮਤ ਨਾ ਹੋਣ ਕਾਰਨ ਇਹ ਸੜਕ ਟੋਇਆਂ ਦਾ ਰੂਪ ਧਾਰਨ ਕਰ ਚੁੱਕੀ ਹੈ | ਵਿਧਾਇਕ ਘੁੰਮਣ ਨੇ ਦੱਸਿਆ ਕਿ ਬਲਾਕ ਤਲਵਾੜਾ ਦੀਆਂ ਅਤਿ ਖਸਤਾ ਹੋ ਚੁੱਕੀਆਂ ਸੰਪਰਕ ਸੜਕਾਂ ਦੇ ਮੁਰੰਮਤ ਕੰਮ ਵੀ ਸ਼ੁਰੂ ਹੋ ਚੁੱਕੇ ਹਨ ਅਤੇ ਜਲਦੀ ਹੀ ਮੁਕੰਮਲ ਹੋ ਜਾਣਗੇ |
