ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਟਲੀ ਦੀ ਪ੍ਰਧਾਨ ਮੰਤਰੀ ਜੌਰਜੀਆ ਮੇਲੋਨੀ ਨੂੰ ਚਰਚਿਤ ਮੈਲੋਡੀ ਟੌਫੀ ਤੋਂ ਇਲਾਵਾ ਦੋ ਖਾਸ ਸ਼ਾਲ ਵੀ ਤੋਹਫੇ 'ਚ ਦਿੱਤੇ | ਇਨ੍ਹਾਂ 'ਚੋਂ ਇਕ ਸ਼ਿਰੂਈ ਲਿਲੀ ਸਿਲਕ ਸ਼ਾਲ ਮਨੀਪੁਰ ਸਥਿਤ ਸ਼ਿਰੂਈ ਕਾਸ਼ੌਂਰਾ ਘਾਟੀ ਦੇ ਨਿਵੇਕਲੇ ਸ਼ਿਰੂਈ ਲਿਲੀ ਤੋਂ ਪ੍ਰੇਰਿਤ ਹੈ ਜੋ ਇਕ ਨਾਜ਼ੁਕ ਘੰਟੀ ਦੇ ਆਕਾਰ ਦਾ ਫੁੱਲ ਹੁੰਦਾ ਹੈ | ਹਲਕੇ ਗੁਲਾਬੀ ਤੇ ਚਿੱਟੇ ਰੰਗ ਦੀਆਂ ਪੰਖੜੀਆਂ ਵਾਲਾ ਇਹ ਫੁੱਲ ਦੁਨੀਆ 'ਚ ਹੋਰ ਕਿਤੇ ਨਹੀਂ ਖਿੜਦਾ | ਦੂਜਾ ਸ਼ਾਲ ਅਸਾਮ ਦੇ ਸੋਕੇ ਦੇ ਰੇਸ਼ਮ ਦੇ ਨਾਂਅ ਨਾਲ ਮਸ਼ਹੂਰ ਮੂਗਾ ਰੇਸ਼ਮ ਨਾਲ ਬਣਿਆ ਹੈ | ਇਹ ਉੱਤਰ ਪੂਰਬ ਭਾਰਤ ਦੇ ਬ੍ਰਹਮਪੁੱਤਰ ਵਾਦੀ ਦਾ ਇਕ ਰਵਾਇਤੀ ਸ਼ਾਲ ਹੈ |
