ਪੰਜਾਬ ਨੰਬਰਦਾਰ ਯੂਨੀਅਨ ਵਲੋਂ ਪੰਜਾਬ ਸਰਕਾਰ 'ਤੇ ਮੰਗਾਂ ਨਾ ਮੰਨਣ ਦਾ ਦੋਸ਼

ਮਾਨਸਾ, 29 ਦਸੰਬਰ (ਸ.ਰਿ.)-ਪੰਜਾਬ ਨੰਬਰਦਾਰ ਯੂਨੀਅਨ ਦੀ ਮੀਟਿੰਗ ਜ਼ਿਲ੍ਹਾ ਪ੍ਰਧਾਨ ਅੰਮਿ੍ਤਪਾਲ ਸਿੰਘ ਗੁਰਨੇ ਕਲਾ ਦੀ ਪ੍ਰਧਾਨਗੀ ਹੇਠ ਹੋਈ | ਇਸ ਮੌਕੇ ਭਖਦੀਆਂ ਮੰਗਾਂ ਸਬੰਧੀ ਵਿਚਾਰਾਂ ਕੀਤੀਆਂ ਗਈਆਂ | ਬੁਲਾਰਿਆਂ ਨੇ ਦੋਸ਼ ਲਗਾਇਆ ਕਿ ਪੰਜਾਬ ਸਰਕਾਰ ਵਿਧਾਨ ਸਭਾ ਚੋਣਾਂ ਮੌਕੇ ਕੀਤੇ ਵਾਅਦਿਆਂ 'ਤੇ ਖਰੀ ਨਹੀਂ ਉੱਤਰੀ | ਉਨ੍ਹਾਂ ਮੰਗ ਕੀਤੀ ਕਿ ਨੰਬਰਦਾਰੀ ਜੱਦੀ ਪੁਸ਼ਤੀ ਕਰਨ ਦੇ ਨਾਲ ਹੀ ਮਾਣ ਭੱਤੇ 'ਚ ਵਾਧਾ ਕੀਤਾ ਜਾਵੇ | ਇਸੇ ਤਰ੍ਹਾਂ ਨੰਬਰਦਾਰਾਂ ਦਾ ਸਿਹਤ ਬੀਮਾ ਕੀਤਾ ਜਾਵੇ ਅਤੇ ਬੱਸ ਸਫ਼ਰ ਵੀ ਮੁਫ਼ਤ ਕੀਤਾ ਜਾਵੇ | ਉਨ੍ਹਾਂ ਕਿਹਾ ਕਿ ਕਿਸੇ ਵੀ ਤਹਿਸੀਲ 'ਚ ਰਜਿਸਟਰੀ ਕਰਵਾਉਣ ਸਮੇਂ ਸਬੰਧਿਤ ਪਿੰਡ ਦਾ ਨੰਬਰਦਾਰ ਨਹੀਂ ਤਸਦੀਕ ਕਰਦਾ ਤਾਂ ਐਮ.ਸੀ ਜਾਂ ਸਰਪੰਚ ਤੋਂ ਇਲਾਵਾ ਆਰਜ਼ੀ ਨਵੀਸ ਕੋਲ ਹਾਜ਼ਰ ਕੋਈ ਵੀ ਵਿਅਕਤੀ ਤੋਂ ਕਰਵਾ ਲਿਆ ਜਾਂਦਾ ਹੈ | ਉਨ੍ਹਾਂ ਮੁੱਖ ਮੰਤਰੀ ਤੋਂ ਮੰਗ ਕੀਤੀ ਕਿ ਪਿੰਡ ਦੀ ਰਜਿਸਟਰੀ ਉੱਤੇ ਤਸਦੀਕ ਨੰਬਰਦਾਰ ਦੀ ਹੀ ਮੰਨੀ ਜਾਵੇ | ਏ.ਡੀ.ਸੀ ਰਾਹੀ ਮੰਗ ਪੱਤਰ ਪੰਜਾਬ ਸਰਕਾਰ ਨੂੰ ਭੇਜਿਆ ਗਿਆ | ਇਸ ਮੌਕੇ ਨੰਬਰਦਾਰ ਮਲਕੀਤ ਸਿੰਘ ਮਿੱਠੂ ਫਫੜੇ, ਰਘਵੀਰ ਸਿੰਘ ਉੱਭਾ, ਹਰਬੰਸ ਸਿੰਘ ਭੁਪਾਲ, ਬਲਦੇਵ ਸਿੰਘ ਭੁਪਾਲ, ਗੁਰਬਰਨ ਸਿੰਘ ਕੁਲਾਣਾ, ਧਰਮਿੰਦਰ ਸਿੰਘ ਬਰਨਾਲਾ, ਸੁਖਦੇਵ ਸਿੰਘ ਦਰਿਆਪੁਰ, ਅਮਰੀਕ ਸਿੰਘ ਖੁਡਾਲ, ਮਿੱਠੂ ਸਿੰਘ ਬਹਾਦਰਪੁਰ, ਅੰਮਿ੍ਤਪਾਲ ਕਿਸ਼ਨਗੜ੍ਹ, ਗਮਦੂਰ ਸਿੰਘ, ਬਲਵਿੰਦਰ ਸਿੰਘ ਮਲਕੋ, ਕੁਲਵੰਤ ਸਿੰਘ ਰਮਦਿੱਤੇ ਵਾਲਾ ਆਦਿ ਹਾਜ਼ਰ ਸਨ |