ਝੁਨੀਰ, 24 ਸਤੰਬਰ (ਸਿੰਗਲਾ)- ਸਥਾਨਕ ਕਸਬੇ ਦੀ ਮੁੱਖ ਸੜਕ ਉੱਪਰ ਬਣੇ ਡਿਵਾਈਡਰਾਂ 'ਤੇ ਰੰਗ ਨਾ ਹੋਣ ਕਾਰਨ ਆਏ ਦਿਨ ਹਾਦਸੇ ਵਾਪਰਦੇ ਰਹਿੰਦੇ ਸਨ | ਪਰਿਆਸ ਵੈੱਲਫੇਅਰ ਟਰੱਸਟ ਵਲੋਂ ਪਹਿਲਕਦਮੀ ਕਰਦੇ ਹੋਏ ਝੁਨੀਰ ਮੇਨ ਰੋਡ 'ਤੇ ਡਿਵਾਈਡਰਾਂ ਨੂੰ ਰੰਗ ਕੀਤਾ ਗਿਆ | ਦੁਕਾਨਦਾਰਾਂ ਵਲੋਂ ਇਸ ਕਾਰਜ ਦੀ ਸ਼ਲਾਘਾ ਕੀਤੀ ਗਈ | ਸੜਕ ਸੁਰੱਖਿਆ ਦੇ ਇੰਚਾਰਜ ਗੁਰਜੰਟ ਸਿੰਘ ਟੀਮ ਸਮੇਤ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ | ਟਰੱਸਟ ਦੇ ਪ੍ਰਧਾਨ ਅੰਗਰੇਜ ਚੰਦ ਸਿੰਗਲਾ, ਸੰਜੀਵ ਗਰਗ, ਨਰਿੰਦਰ ਗਰਗ, ਭੀਮ ਸ਼ਰਮਾ, ਸਤੀਸ਼ ਗਰਗ, ਅੰਕੁਸ਼ ਸਿੰਗਲਾ ਆਦਿ ਹਾਜ਼ਰ ਸਨ |
