ਬੁਢਲਾਡਾ, 2 ਸਤੰਬਰ (ਰਾਹੀ)- ਪਿਛਲੇ ਕਈ ਦਿਨਾਂ ਤੋਂ ਇਲਾਕੇ 'ਚ ਪੈ ਰਹੀ ਬਾਰਸ਼ ਦੌਰਾਨ ਜ਼ਰੂਰਤਮੰਦ ਲੋਕਾਂ ਵਲੋਂ ਮੀਂਹ ਤੋਂ ਬਚਾਅ ਲਈ ਖ਼ਰੀਦੇ ਜਾ ਰਹੇ ਤਰਪਾਲ ਆਦਿ ਸਾਮਾਨ ਨੂੰ ਨਿਰਧਾਰਿਤ ਰੇਟ ਤੋਂ ਵੱਧ ਲਗਾਉਣ ਦੀਆਂ ਆ ਰਹੀਆਂ ਸ਼ਿਕਾਇਤਾਂ ਦੇ ਮੱਦੇਨਜ਼ਰ ਐਸ.ਡੀ.ਐਮ. ਗਗਨਦੀਪ ਸਿੰਘ ਵਲੋਂ ਸਰਕੂਲਰ ਜਾਰੀ ਕਰ ਕੇ ਦੁਕਾਨਦਾਰਾਂ ਨੂੰ ਤਾੜਨਾ ਕੀਤੀ ਹੈ | ਉਨ੍ਹਾਂ ਦੁਕਾਨਦਾਰਾਂ ਨੂੰ ਚਿਤਾਵਨੀ ਦਿੰਦਿਆਂ ਕਿਹਾ ਕਿ ਸਮਾਨ ਕੇਵਲ ਮਾਰਕਿਟ 'ਚ ਨਿਰਧਾਰਿਤ ਠੀਕ ਭਾਅ 'ਤੇ ਹੀ ਵੇਚਿਆ ਜਾਵੇ | ਜੇਕਰ ਕਿਸੇ ਵਲੋਂ ਨਾਜਾਇਜ਼ ਰੇਟ ਵਸੂਲਿਆ ਗਿਆ ਤਾਂ ਉਸ ਖ਼ਿਲਾਫ਼ ਜੁਰਮਾਨਾ, ਦੁਕਾਨ ਸੀਲ ਕਰਨਾ ਅਤੇ ਅਦਾਲਤੀ ਮੁਕੱਦਮਾ ਜਿਹੀ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ |
