ਆਈ. ਬੀ. ਬੀ. ਐਫ. ਵਿਸ਼ਵ ਪਾਵਰਲਿਫਟਿੰਗ ਪਾਵਰਲਿਫਟਰ ਲਲਿਤ ਨੇ ਜਿੱਤੇ 3 ਸੋਨ ਤਗਮੇ <br/>

ਅਹਿਮਦਾਬਾਦ, 31 ਮਈ (ਪੀ.ਟੀ.ਆਈ.)-ਭਾਰਤ ਦੇ 56 ਸਾਲਾ ਪਾਵਰਲਿਫਟਰ ਲਲਿਤ ਪਟੇਲ ਨੇ ਥਾਈਲੈਂਡ ਵਿਚ ਹੋਈ ਆਈ. ਬੀ .ਬੀ. ਐਫ. ਵਿਸ਼ਵ ਪਾਵਰਲਿਫਟਿੰਗ ਚੈਂਪੀਅਨਸ਼ਿੱਪ ਵਿਚ ਤਿੰਨ ਸੋਨ ਤਗਮੇ ਜਿੱਤੇ | ਗੁਜਰਾਤ ਦੇ ਰਹਿਣ ਵਾਲੇ ਲਲਿਤ ਨੇ ਮਾਸਟਰ ਟੂ ਸ਼੍ਰੇਣੀ (83-93 ਕਿਲੋਗ੍ਰਾਮ) ਵਿਚ ਹਿੱਸਾ ਲਿਆ | ਪਟੇਲ ਨੇ 10 ਤੋਂ 12 ਮਈ ਦੇ ਵਿਚਕਾਰ ਹੋਏ ਮੁਕਾਬਲੇ ਵਿਚ ਬੈਂਚ ਪ੍ਰੈੱਸ, ਡੈੱਡਲਿਫਟ ਤੇ ਸਕੁਐਟ ਈਵੈਂਟਸ 'ਚ ਸਿਖਰਲਾ ਸਥਾਨ ਪ੍ਰਾਪਤ ਕੀਤਾ | ਪਟੇਲ ਗਲੋਬਲ ਮੁਕਾਬਲੇ ਦੀ ਤਿਆਰੀ ਲਈ ਪਿਛਲੇ ਅੱਠ ਮਹੀਨਿਆਂ ਤੋਂ ਸਖ਼ਤ ਸਿਖਲਾਈ ਲੈ ਰਿਹਾ ਸੀ | ਉਸਨੇ ਸਿਰਫ਼ ਪੰਜ ਸਾਲ ਪਹਿਲਾਂ ਪਾਵਰਲਿਫਟਿੰਗ ਸ਼ੁਰੂ ਕੀਤੀ ਸੀ | ਸ਼ਾਕਾਹਾਰੀ ਖੁਰਾਕ ਦੀ ਪਾਲਣਾ ਕਰਨ ਵਾਲੇ ਪਟੇਲ ਨੇ ਕਿਹਾ, 'ਉਮਰ ਤੇ ਖੁਰਾਕ ਸਫਲਤਾ ਵਿਚ ਕੋਈ ਰੁਕਾਵਟ ਨਹੀਂ ਹਨ |' ਪਟੇਲ ਨੇ ਰਾਜ ਪੱਧਰ 'ਤੇ 18 ਤੇ ਰਾਸ਼ਟਰੀ ਪੱਧਰ 'ਤੇ 12 ਤਗਮੇ ਜਿੱਤੇ ਹਨ | ਉਹ ਹੁਣ ਨੌਜਵਾਨ ਖਿਡਾਰੀਆਂ ਨੂੰ ਕੋਚਿੰਗ ਦੇਣ ਦੇ ਨਾਲ-ਨਾਲ 'ਬਾਡੀ ਬਿਲਡਿੰਗ' ਮੁਕਾਬਲਿਆਂ ਵਿੱਚ ਹਿੱਸਾ ਲੈਣਾ ਚਾਹੁੰਦਾ ਹੈ |