ਤਪਾ ਮੰਡੀ, 30 ਦਸੰਬਰ (ਵਿਜੇ ਸ਼ਰਮਾ)-ਸਥਾਨਕ ਟਰੱਕ ਯੂਨੀਅਨ ਅਤੇ ਟੈਕਸੀ ਸਟੈਂਡ ਨੇੜੇ ਦੋ ਢੱਠਿਆਂ ਦੀ ਲੜਾਈ ਵਿਚ ਇਕ ਹੋਟਲ ਦੇ ਸਮਾਨ ਦਾ ਨੁਕਸਾਨ ਹੋ ਗਿਆ | ਜਾਣਕਾਰੀ ਮੁਤਾਬਿਕ ਸੰਤ ਬਾਬਾ ਚਿਤਾ ਨੰਦ ਟੈਕਸੀ ਸਟੈਂਡ ਨੇੜੇ ਸ਼ੰਕਰ ਰਾਜਸਥਾਨੀ ਹੋਟਲ ਦੇ ਮਾਲਕ ਲੋਕੇਸ਼ ਰਾਜਸਥਾਨੀ ਨੇ ਦੱਸਿਆ ਕਿ ਸਵੇਰ ਸਮੇਂ ਦੋ ਢੱਠੇ ਜੋ ਲੜਦੇ ਲੜਦੇ ਮੇਰੇ ਹੋਟਲ ਵੱਲ ਆ ਗਏ ਅਤੇ ਉਨ੍ਹਾਂ ਦੀ ਲੜਾਈ ਵਿਚ ਹੋਟਲ ਅੱਗੇ ਲੱਗੇ ਕਾਉਂਟਰ ਦਾ ਸ਼ੀਸ਼ਾ ਤੇ ਹੋਰ ਸਮਾਨ ਆਦਿ ਦਾ ਨੁਕਸਾਨ ਹੋ ਗਿਆ ਹੈ | ਜਦਕਿ ਹੋਟਲ 'ਤੇ ਕੰਮ ਕਰਦੇ ਲੜਕਿਆਂ ਦਾ ਨੁਕਸਾਨ ਹੋਣ ਤੋਂ ਬਚਾਅ ਹੋ ਗਿਆ | ਉਨਾਂ ਪ੍ਰਸ਼ਾਸਨ ਨੂੰ ਅਪੀਲ ਕੀਤੀ ਕਿ ਆਵਾਰਾ ਢੱਠਿਆਂ ਅਤੇ ਪਸ਼ੂਆਂ ਦਾ ਕੋਈ ਢੁਕਵਾਂ ਪ੍ਰਬੰਧ ਕੀਤਾ ਜਾਵੇ | ਜਿਸ ਕਾਰਨ ਪਹਿਲਾਂ ਵੀ ਸ਼ਹਿਰ ਅੰਦਰ ਕਾਫੀ ਨੁਕਸਾਨ ਹੋਇਆ ਹੈ | ਉਨਾਂ ਦੱਸਿਆ ਕਿ ਢੱਠਿਆਂ ਦੀ ਲੜਾਈ ਵਿਚ ਮੇਰੇ ਹੋਟਲ ਦਾ 6000 ਰੁਪਏ ਕਰੀਬ ਦਾ ਨੁਕਸਾਨ ਹੋ ਗਿਆ ਹੈ |
