ਸ਼ਹਿਣਾ, 22 ਅਕਤੂਬਰ (ਸੁਰੇਸ਼ ਗੋਗੀ)-ਸਿੱਖ ਸੇਵਾ ਸੁਸਾਇਟੀ ਪੰਜਾਬ ਇਕਾਈ ਮੌੜ ਨਾਭਾ ਵਲੋਂ ਦੀਵਾਲੀ ਦੇ ਮੌਕੇ 'ਤੇ ਲੋੜਵੰਦ ਪਰਿਵਾਰਾਂ ਨੂੰ ਮਠਿਆਈ, ਕੰਬਲ ਅਤੇ ਹੋਰ ਸਮਾਨ ਵੰਡਿਆ ਗਿਆ | ਸਿੱਖ ਸੇਵਾ ਸੁਸਾਇਟੀ ਦੇ ਆਗੂ ਭਾਈ ਜਗਸੀਰ ਸਿੰਘ ਮੌੜ ਨੇ ਦੱਸਿਆ ਕਿ ਜਿਨ੍ਹਾਂ 100 ਦੇ ਕਰੀਬ ਪਰਿਵਾਰਾਂ ਨੂੰ ਮਹੀਨੇ ਬਾਅਦ ਰਾਸ਼ਨ ਦਿੱਤਾ ਜਾਂਦਾ ਹੈ | ਉਨ੍ਹਾਂ ਪਰਿਵਾਰਾਂ ਤੋਂ ਇਲਾਵਾ ਵਿਦਿਆਲੇ ਵਿਚ ਪੜ੍ਹਦੇ ਲੋੜਵੰਦ ਪਰਿਵਾਰਾਂ ਦੇ ਵਿਦਿਆਰਥੀਆਂ ਨੂੰ ਮਠਿਆਈ ਤੇ ਕੰਬਲ ਕਮਲਜੀਤ ਸਿੰਘ ਕੈਲੇਫੋਰਨੀਆ, ਲਖਵਿੰਦਰ ਸਿੰਘ ਇਟਲੀ, ਪਿੰਕੀ ਸ਼ਰਮਾ, ਹਰਪਾਲ ਸਿੰਘ ਇੰਗਲੈਂਡ, ਚਰਨਜੀਤ ਸਿੰਘ ਸਿੰਘਾਪੁਰ, ਸੁਖਜਿੰਦਰ ਸਿੰਘ, ਬਲਵਿੰਦਰ ਸਿੰਘ ਬਰਾੜ ਇੰਗਲੈਂਡ ਤੋਂ ਇਲਾਵਾ ਹੋਰ ਐਨ.ਆਰ.ਆਈਜ ਵਲੋਂ ਵਡਮੁੱਲੇ ਯੋਗਦਾਨ ਪਾਇਆ ਗਿਆ ਅਤੇ ਵਿਦਿਆਲੇ ਦੇ ਅਧਿਆਪਕਾਂ ਨੂੰ ਡਿਨਰ ਸੈੱਟ ਦਿੱਤੇ ਗਏ | ਇਸ ਮੌਕੇ ਜਥੇਦਾਰ ਲਖਵਿੰਦਰ ਸਿੰਘ, ਖੁਸਪ੍ਰੀਤ ਸਿੰਘ ਦੱੁਲਮਸਰ, ਨੋਨਾ ਹਲਵਾਈ ਅਤੇ ਹੋਰ ਆਗੂ ਵੀ ਹਾਜ਼ਰ ਸਨ |
